திருவாரூர் கதம்ப சாம்பார் இப்படி தாங்க செய்யனும். இது வரைக்கும் செய்யலைன்னா உடனே செஞ்சு சாப்பிடுங்க. வித்தியாசமான மணமும் சுவையில் இருக்கும்!!!

Ingredients

• 1 கப் துவரம் பருப்பு
• 2 பெரிய வெங்காயம்
• 2 தக்காளி
• 50 கி பூசணிக்காய்
• 1 சக்கரை வள்ளி கிழங்கு
• 2 கேரட்
• 3 கத்தரிக்காய்
• 1 முருங்கைக்காய்
• 1/2 டீஸ்பூன் மஞ்சள் தூள்
• 2 வர ‌மிளகாய்
• 2 டீஸ்பூன் மல்லி தூள்
• 2 டீஸ்பூன் மிளகாய்த்தூள்
• 1 டீஸ்பூன் சாம்பார் தூள்
• 1/2 டீஸ்பூன் பெருங்காயத்தூள்
• 1/2 டீஸ்பூன் கடுகு
• 1/2 டீஸ்பூன் வெந்தயம்
• கறிவேப்பிலை, கொத்தமல்லி (சிறிதளவு)
• உப்பு தேவையான அளவு
• எண்ணெய் (தேவையான அளவு)
• 1/2 டீஸ்பூன் சீரகம்
• 1/4 கப் புளி கரைசல்

Method

1. முதலில் எல்லா காய்கறிகளையும் நன்கு அலசி நறுக்கி வைத்துக் கொள்ளவும்.

2. பின் பருப்பை நன்கு சுத்தம் செய்து குக்கரில் சேர்த்து அதனுடன் பெருங்காயம், மஞ்சள் தூள் சிறிதளவு எண்ணெய் சேர்த்து 3 விசில் விட்டு வேக வைத்துக் கொள்ளவும்.

3. பின் ஒரு கடாயை அடுப்பில் வைத்து எண்ணெய் சேர்த்து காய்ந்ததும் கடுகு, சீரகம், வெந்தயம் மற்றும் வர மிளகாய் சேர்த்து தாளிக்கவும்.

4. பின் கருவேப்பிலை, வெங்காயம் சேர்த்து நன்கு வதக்கி, வெங்காயம் வதங்கியதும் தக்காளியை சேர்த்து நன்கு வதக்க வேண்டும்.

5. அதன்பிறகு எல்லா காய்கறிகளையும் சேர்த்து நன்கு கிளறிக் கொள்ள வேண்டும். பின் மல்லித்தூள், மிளகாய்த்தூள் மற்றும் சாம்பார் தூள் சேர்த்து நன்கு கலந்து தேவையான அளவு தண்ணீர் விட்டு மூடி போட்டு கொதிக்க விடவும்.

6. சாம்பார் நன்கு கொதித்ததும் புளி கரைசலை சேர்த்து ஒரு கொதி வந்ததும் பருப்பை சேர்த்து கலந்து சிறிது நேரம் கழித்து கருவேப்பிலை, கொத்தமல்லி சேர்த்து அடுப்பை அணைத்து விடவும்.

7. அவ்வளவுதான் சுவையான கதம்ப சாம்பார் தயார். இதை இட்லி தோசை மற்றும் வெள்ளை சாதத்துடன் சேர்த்து சாப்பிட அருமையாக இருக்கும்.