நவாபி பன்னீர் இந்த மாதிரி செஞ்சு சாப்பிட்டு பாருங்க!!

Ingredients

• 1/2 கப் பன்னீர்
• 3 பெரிய வெங்காயம்
• 2 தக்காளி
• 1 பட்டை, கிராம்பு, ஏலக்காய்
• 1 பிரியாணி இலை
• 1/4 டீஸ்பூன் மிளகு
• 1 டீஸ்பூன் மிளகாய்த்தூள்
• 1/2 டீஸ்பூன் காஷ்மீர் மிளகாய்த்தூள்
• 1/4 டீஸ்பூன் மஞ்சள் தூள்
• 1 டீஸ்பூன் மல்லி தூள்
• 1/2 டீஸ்பூன் கரம் மசாலா தூள்
• 1 டீஸ்பூன் கஸ்தூரி மேத்தி
• உப்பு (தேவையான அளவு)
• எண்ணெய் (தேவையான அளவு)
• 1/2 கப் தேங்காய்
• 1/2 கப் பால்
• 1/2 கப் தயிர்
• 10 முந்திரி
• பட்டர் (தேவையான அளவு)

Method

1. ஒரு கடாயில் எண்ணெய் ஊற்றி மெல்லியதாக நீளமாக நறுக்கிய பெரிய வெங்காயத்தை சேர்த்து பொன்னிறம் ஆன பிறகு இறக்கி ஆற வைத்து மிக்ஸி ஜாரில் சேர்த்துக் கொள்ளவும்.

2. அதனுடன் முந்திரி பருப்பு பால் தயிர் தேங்காய் அனைத்தையும் சேர்த்து நன்றாக அரைத்து எடுக்கவும்.

3. கடாயில் எண்ணெய் ஊற்றி பட்டை கிராம்பு, ஏலக்காய் பிரியாணி இலை சேர்த்து தாளித்ததும் இரண்டு தக்காளியை மிக்ஸி ஜாரில் அரைத்து சேர்த்துக் கொள்ளவும்.

4. தக்காளியின் பச்சை வாசனை போன பிறகு அதனுடன் காஷ்மீரி மிளகாய் தூள் மிளகாய் தூள் கரம் மசாலா மஞ்சள் தூள் மல்லி தூள் அனைத்தையும் சேர்த்து தேவையான அளவு உப்பு சேர்த்து ஒரு கப் தண்ணீர் ஊற்றி மூடி போட்டு வேக வைக்கவும்.

5. பன்னீரை தேவையான வடிவத்திற்கு வெட்டி பட்டரில் லேசாக டோஸ்ட் செய்து எடுத்துக் கொள்ளவும்.

6. இப்பொழுது கிரேவி எண்ணெய் பிரிந்து வந்த பிறகு அதில் கஸ்தூரி மேத்தி சேர்த்து பன்னீர் துண்டுகளை சேர்த்து ஐந்து நிமிடத்திற்கு பிறகு இறக்கினால் சுவையான நவாபி பன்னீர் தயார்.