வித்தியாசமா ஒரு தடவை இந்த பக்கோடா குழம்பு செஞ்சு சாப்பிட்டு பாருங்க!!

Ingredients

• 1/4 கப் தேங்காய்
• 6 பச்சை மிளகாய்
• 3 டீஸ்பூன் சோம்பு
• 1/2 டீஸ்பூன் கசகசா
• 5 முந்திரி
• 1 பிரியாணி இலை
• 2 பட்டை, கிராம்பு, ஏலக்காய்
• 3 தக்காளி
• 5 பெரிய வெங்காயம்
• 2 டீஸ்பூன் மிளகாய்த்தூள்
• 1 டீஸ்பூன் இஞ்சி பூண்டு விழுது
• கறிவேப்பிலை, கொத்தமல்லி (சிறிதளவு)
• 1/4 டீஸ்பூன் மஞ்சள் தூள்
• 1/4 கப் கடலை மாவு
• 1 துண்டு இஞ்சி
• 2 டேபிள் ஸ்பூன் அரிசி மாவு
• உப்பு (தேவையான அளவு)
• எண்ணெய் (தேவையான அளவு)

Method

1. ஒரு கடாயில் எண்ணெய் சேர்த்து ஏலக்காய் பட்டை கிராம்பு பிரியாணி இலை, ஒரு டீஸ்பூன் சோம்பு சேர்த்து தாளித்துக் கொள்ளவும்.

2. பிறகு 2 பெரிய வெங்காயம் நறுக்கி சேர்த்து தக்காளி இஞ்சி பூண்டு விழுது அனைத்தையும் சேர்த்து நன்றாக வதக்கி கொள்ளவும்.

3. ஒரு மிக்ஸி ஜாரில் தேங்காய் முந்திரி பருப்பு, கசகசா, ஒரு டீஸ்பூன் சோம்பு, 3 பச்சை மிளகாய் சேர்த்து அரைத்து அதனையும் வதங்கிய வெங்காயம் தக்காளி உடன் சேர்த்து தேவையான அளவு தண்ணீர் ஊற்றி கொள்ளவும்.‌

4. பிறகு மஞ்சள் தூள் மிளகாய் தூள் சேர்த்து தேவையான அளவு உப்பு சேர்த்து குழம்பு நன்றாக கொதித்து வெந்ததும் கொத்தமல்லி இலைகள் தூவி இறக்கி விடவும்.

5. இப்பொழுது பாத்திரத்தில் வெங்காயம் கடலை மாவு தட்டிய இஞ்சி ஒரு டீஸ்பூன் சோம்பு, அரிசி மாவு மிளகாய்த்தூள் சிறிதளவு உப்பு சேர்த்து தண்ணீர் விடாமல் நன்றாக பிசைந்து சூடான எண்ணெயில் போட்டு பொரித்து எடுத்தால் பக்கோடா தயார்.

6. இந்த பக்கோடாக்களை தயார் செய்து வைத்துள்ள குழம்பில் சேர்த்து பரிமாறினால் சுவையான பக்கோடா குழம்பு தயார்.