வெயில் காலம் ஆரம்பிச்சிருச்சு அதனால இனிமேல் சூடுனால நிறைய பேருக்கு வயிறு வலி வயிறு புண்ணு இந்த மாதிரி எல்லாம் வரும். அதனால இந்த வெயில் காலத்துல எப்பவுமே நம்ம குளிர்ச்சியானதா சாப்பிட்டு நம்ம உடம்ப எப்பவுமே குளிர்ச்சியா வச்சுக்கணும் இல்ல அப்படின்னா இந்த வெயில் காலத்துக்கு நமக்கு வயிறு வலி சூட்டு கொப்பளம் வேர்க்குரு அப்படின்னு எக்கச்சக்கமான பிரச்சனைகள் வரும்.
இந்த சூட்டுனால வர வயிறு வலிய சரி பண்றதுக்கு நிறைய உணவுகள் இருக்கு அந்த வகையில் இன்னைக்கு நம்ம ரொம்ப வெயிட் குளிர்ச்சியான ஒரு சத்தான பத்திய கஞ்சி தான் பாக்க போறோம். இந்த பத்திய கஞ்சியை காலை உணவு மதிய உணவு எதுவா வேணாலும் எடுத்துக்கலாம். இந்த பத்திய கஞ்சியை நீங்க குடிச்சிட்டு வந்தீங்கன்னா உங்களுக்கு சூடுனால வரக்கூடிய வயிறு வலி வயிற்றுப்புண் அப்படின்னு எல்லாமே சரியாகிவிடும்.
மேலும் இந்த பத்திய கஞ்சி சாப்பிடுவதற்கும் ரொம்ப ருசியா இருக்கும். இதுல மோர் கலந்து குடிக்கிறதால ரொம்ப குளிர்ச்சியா இருக்கும். ரொம்பவே ஆரோக்கியமான சத்தான இந்த பத்திய கஞ்சிய குழந்தைகள் இருந்தா பெரியவங்க வரைக்கும் யார் வேணும்னாலும் சாப்பிடலாம். இந்த வெயில் காலத்துல சாப்பிட்டா சளி இருமல் எதுவும் வராது. இப்ப வாங்க இந்த சூப்பரான ஆரோக்கியமான பத்திய கஞ்சி எப்படி செய்றதுன்னு பார்க்கலாம்
பத்திய கஞ்சி | Pathiya Kanji Recipe In Tamil
Equipment
- 1 பெரிய பவுள்
தேவையான பொருட்கள்
- 1/4 கப் புழுங்கல் அரிசி
- 3 டேபிள் ஸ்பூன் பாசிப் பயறு
- 1 டீஸ்பூன் வெந்தயம்
- 1 பெரிய வெங்காயம்
- 2 பல் பூண்டு
- 2 கப் மோர்
- உப்பு தேவையான அளவு
செய்முறை
- வெந்தயம் மற்றும் பாசிப்பயிரை ஒரு பாத்திரத்தில் சேர்த்து தண்ணீர் ஊற்றி 8 மணி நேரம் ஊற வைத்துக்கொள்ளவும்
- புழுங்கல் அரிசியை கழுவி சுத்தம் செய்து குழைவாக வேக வைத்து எடுக்கவும்.
- ஊற வைத்த பாசிப்பயறு மற்றும் வெந்தயத்தையும் நன்றாக குழைவாக வேக வைத்து எடுக்கவும்.
- ஒரு பாத்திரத்தில் அரை கப் தண்ணீருடன் தட்டிய பூண்டு வெங்காயம் வேக வைத்துள்ள பாசிப்பயிறு வெந்தயம் உப்புசேர்த்து நன்றாக கலந்து விடவும்
- அனைத்தும் சேர்ந்து வந்ததும் அதில் குறைவாக வேக வைத்த புழுங்கல் அரிசி சாதத்தையும் சேர்த்து நன்றாககிளறி பரிமாறினால் சுவையான பத்திய கஞ்சி தயார்
Nutrition
இதனையும் படியுங்கள் : வித்தியாசமான சுவைல பழங்கஞ்சி செஞ்சு குடிங்க!