மதிய வேளையில் சிம்பிளாக சமையலை முடிக்க நினைக்கிறீர்களா? அதுவும் குழந்தைகள் விரும்பி சாப்பிடும் வகையிலான ஒரு சமையலை செய்ய நினைக்கிறீர்களா? அப்படியானால் வீட்டில் உருளைக்கிழங்கு இருந்தால் அதை வைத்து ஒரு ரெசிபி செய்யுங்கள். அதுவும் வழக்கமாக செய்வது போன்று உருளைக்கிழங்கு சாதம் செய்யாமல் காரசாரமாக உருளைக்கிழங்கு மசாலா சாதம் செய்யுங்கள்.
இதுவரை தேங்காய் சாதம், தேங்காய் பால் சாதம், உருளை சாதம், எலுமிச்சை சாதம், தக்காளி சாதம் இதெல்லாம் செய்து சாப்பிட்டிருப்பீர்கள் ஆனால் உருளைக்கிழங்கு மசாலா சாதம் ஒரு தடவை செய்து பாருங்கள் கண்டிப்பா அவ்வளோ டேஸ்டாக இருக்கும். குழந்தைகளின் மதிய உணவிற்கு இதனை செய்து கொடுத்து விடுங்கள் கொஞ்சம் கூட மிச்சம் வைக்காமல் சாப்பிட்டு வருவார்கள் அந்த அளவுக்கு இந்த உருளைக்கிழங்கு மசாலா சாதம் செம டேஸ்டாக இருக்கும்.
இந்த உருளைக்கிழங்கு மசாலா சாதத்திற்கு சைடு டிஷ்ஷாக அப்பளம் மட்டும் பொரித்தால் போதும் வேற எதுவுமே பெருசா தேவைப்படாது. வீட்டில் காய்கறிகள் எதுவும் இல்லை என்றால் இந்த உருளைக்கிழங்கு மசாலா சாதத்தை செய்து கொடுங்கள் குழந்தைகள் முதல் பெரியவர்கள் வரை அனைவரும் விரும்பி சாப்பிடுவார்கள். இப்போது சுவையான உருளைக்கிழங்கு மசாலா சாதம் எப்படி செய்வதென்று பார்ப்போம்.
உருளைக்கிழங்கு மசாலா சாதம் | Potato Masala Rice Recipe In Tamil
Equipment
- பவுள்
- 1 கடாய்
தேவையான பொருட்கள்
- 2 உருளைக்கிழங்கு
- எண்ணெய் தேவையான அளவு
- 1 டீஸ்பூன் சீரகம்
- 1 பட்டை, ஏலக்காய்
- 1/2 டீஸ்பூன் சோம்பு
- 1 வெங்காயம்
- 2 பச்சை மிளகாய்
- 1 கொத்து கறிவேப்பிலை
- 1 டீஸ்பூன் இஞ்சி பூண்டு விழுது
- 1 தக்காளி
- உப்பு தேவையான அளவு
- 1/2 டீஸ்பூன் கரம் மசாலா தூள்
- 1/4 டீஸ்பூன் மஞ்சள் தூள்
- 1 டீஸ்பூன் மிளகாய் தூள்
- 1 டீஸ்பூன் சீரகத்தூள்
- 1 டீஸ்பூன் மல்லி தூள்
- 2 கப் சாதம்
- கொத்தமல்லி சிறிதளவு
செய்முறை
- முதலில் ஒரு கடாயை அடுப்பில் வைத்து எண்ணெய் ஊற்றி காய்ந்ததும் பொடியாக நறுக்கிய உருளைக்கிழங்கை சேர்த்து வறுத்து எடுத்துக் கொள்ளவும்.
- பின் அதே கடாயில் சிறிதளவு எண்ணெய் ஊற்றி காய்ந்ததும் சீரகம், சோம்பு, பட்டை, ஏலக்காய் சேர்த்து அதனுடன் வெங்காயம் சேர்த்து நன்கு வதக்கவும்.
- வெங்காயம் வதங்கியதும் பச்சை மிளகாய், கறிவேப்பிலை, தக்காளி, இஞ்சி பூண்டு விழுது சேர்த்து நன்கு வதக்கவும்.
- தக்காளி வதங்கியதும் உப்பு, கரம் மசாலா தூள், மஞ்சள் தூள், மிளகாய் தூள், சீரகத்தூள், தனியா தூள், வறுத்த உருளைக்கிழங்கு சேர்த்து நன்கு வதக்கவும்.
- பின் வடித்த சாதம் மற்றும் கொத்தமல்லி சேர்த்து கலந்து இரண்டு நிமிடங்கள் கழித்து இறக்கவும். அவ்வளவுதான் சுவையான மசாலா உருளைக்கிழங்கு சாதம் தயார்.
Nutrition
இதனையும் படியுங்கள் : உடுப்பி உருளைக்கிழங்கு வறுவல்
