காரசாரமான ருசியான இறால் பிரட்டல் இப்படி செய்து பாருங்க! இதன் ருசியே தனி தான்!

Ingredients

• ½ கிலோ இறால்
• ¼ டீஸ்பூன் மஞ்சள் தூள்
• 2 ஸ்பூன் மிளகாய் தூள்
• 1 ஸ்பூன் கறிமசாலா தூள்
• 2 ஸ்பூன் மல்லி தூள்
• 1 ஸ்பூன் மிளகு தூள்
• 1 ஸ்பூன் இஞ்சி பூண்டு விழுது
• உப்பு (தேவையான அளவு)
• 2 ஸ்பூன் எண்ணெய்
• 1 வெங்காயம் (நீளவாக்கில் நறுக்கியது)
• 2 பச்சை மிளகாய் (கீறியது)
• கருவேப்பிலை (ஒரு கொத்து)
• கொத்தமல்லி தலை (கொஞ்சம் நறுக்கியது)

Method

1. முதலில் இறாலில் உள்ள குடல் பகுதியை நீக்கி சுத்தம் செய்து கழுவி வைத்துக்கொள்ளவும்.

2. பிறகு சுத்தம் செய்த இறாலை ஒரு பௌலில் போட்டு அத்துடன் மஞ்சள் தூள், மிளகாய் தூள், கறிமசாலா தூள், மல்லி தூள், மிளகு தூள், தேவையான அளவு உப்பு, மற்றும் இஞ்சி பூண்டு விழுது சேர்த்து நன்கு பிரட்டி வைத்துக்கொள்ளவும்.

3. ஒரு வாணலில் எண்ணெய் ஊற்றாமல் பிரட்டி வைத்த இறாலை போட்டு சிறிது நேரம் அப்படியே வேக விடவும்.

4. வெந்ததும் மற்றொரு கடாயில் எண்ணெய் ஊற்றி காய்ந்ததும், நறுக்கிய வெங்காயம், பச்சை மிளகாய், சேர்த்து நன்கு வதக்கவும்.

5. வெங்காயம் நிறம் மாறியதும் கருவேப்பிலை சேர்த்து வதக்கவும். பிறகு மசாலாவில் பிரட்டி வேக வைத்த இறாலை சேர்த்து நன்கு பிரட்டி அதன் மேல் நறுக்கிய கொத்தமல்லி இலைகளை சேர்த்து பரிமாறவும்.