அருமையான சுவையில் முள்ளங்கி சாதம் மதிய உணவிற்கு இப்படி செய்து பாருங்கள்!!

Ingredients

• 1 கப் பாசுமதி அரிசி
• 1/2 கப் தேங்காய் பால்
• 1/2 டீஸ்பூன் சோம்பு
• நல்லெண்ணெய் (தேவையான அளவு)
• 1 டீஸ்பூன் நறுக்கிய இஞ்சி
• 2 பச்சை மிளகாய்
• 2 கொத்து கறிவேப்பிலை
• 1/2 டீஸ்பூன் பெருங்காயத்தூள்
• 1/2 கப் நறுக்கிய பெரிய வெங்காயம்
• 3 முள்ளங்கி
• 2 முள்ளங்கி இலை
• உப்பு (தேவையான அளவு)
• 2 டேபிள் ஸ்பூன் தேங்காய் துருவல்
• 10 முந்திரி
• 1 டீஸ்பூன் மிளகு தூள்
• கொத்தமல்லி (சிறிதளவு)

Method

1. முதலில் முள்ளங்கியை தோல் நீக்கி விட்டு துருவி வைத்துக் கொள்ளவும்.‌ வெங்காயம், இஞ்சி, முள்ளங்கி இலை ஆகியவற்றை நன்கு பொடியாக நறுக்கி வைத்துக் கொள்ளவும்.

2. ஒரு குக்கரில் அரிசியை நன்கு அலசி சேர்த்து, அதனுடன், தேங்காய் பால், உப்பு மற்றும் தேவையான அளவு தண்ணீர் விட்டு வேகவைத்து எடுத்துக் கொள்ளவும்.

3. ஒரு வாணலியை அடுப்பில் வைத்து எண்ணெய் ஊற்றி காய்ந்ததும் சீரகம், பெருங்காயம், கறிவேப்பிலை, மிளகாய் சேர்த்து வதக்கவும்.

4. பின் வெங்காயம், இஞ்சி சேர்த்து நன்கு வதக்கவும். வெங்காயம் வதங்கியதும் முள்ளங்கி துருவல் மற்றும் முள்ளங்கி இலைகள் சேர்த்து நன்கு வதக்கவும்.

5. பின் தேங்காய் துருவல், உப்பு சேர்த்து நன்கு கலந்து வடித்து வைத்துள்ள சாதத்தை சேர்த்து நன்கு கலந்து விடவும். இரண்டு நிமிடங்கள் கழித்து வறுத்த முந்திரி, மிளகு தூள் மற்றும் கொத்தமல்லி தழை தூவி அடுப்பை அணைத்து விடவும். அவ்வளவுதான் சுவையான முள்ளங்கி சாதம் தயார்.