சீரக சம்பா மட்டன் பிரியாணி இந்த மாதிரி செஞ்சு பாருங்க ரெஸ்டாரண்டிலேயே இப்படி ஒரு பிரியாணி சாப்பிட்டு இருக்க மாட்டீங்க!!

Ingredients

• 1 கப் சீரக சம்பா அரிசி
• 2 பட்டை, கிராம்பு
• 2 பிரியாணி இலை
• 1 நட்சத்திர சோம்பு
• 2 பெரிய வெங்காயம்
• 3 தக்காளி
• 1/2 எலுமிச்சை பழம்
• 2 டேபிள் ஸ்பூன் தயிர்
• 2 பச்சை மிளகாய்
• 1 டீஸ்பூன் சோம்பு
• கொத்தமல்லி, புதினா (சிறிதளவு)
• 15 சின்ன வெங்காயம்
• 10 பல் பூண்டு
• 1 துண்டு இஞ்சி
• 1 டீஸ்பூன் மிளகாய் தூள்
• 1 டீஸ்பூன் பிரியாணி மசாலா
• 1/2 டீஸ்பூன் தனியா தூள்
• 1 கப் தேங்காய் பால்
• 1/2 டீஸ்பூன் மஞ்சள் தூள்
• உப்பு (தேவையான அளவு)
• எண்ணெய் (தேவையான அளவு)
• 2 டேபிள் ஸ்பூன் நெய்
• 1/2 கி மட்டன்

Method

1. ஒரு குக்கரில் மட்டன் சேர்த்து தேவையான அளவு உப்பு, மஞ்சள் தூள் சேர்த்து நான்கு விசில் விட்டு எடுத்துக் கொள்ளவும்.

2. ஒரு பாத்திரத்தில் நெய் மற்றும் எண்ணெய் சேர்த்து பட்டை கிராம்பு சோம்பு பிரியாணி இலை நட்சத்திர சோம்பு சேர்த்து தாளித்துக் கொள்ளவும்.

3. நறுக்கிய பெரிய வெங்காயம் இரண்டு பச்சை மிளகாய் சேர்த்து நன்றாக பொன்னிறமாக வதக்கவும்.

4. ஒரு மிக்ஸி ஜாரில் சின்ன வெங்காயம், பூண்டு, இஞ்சி, கொத்தமல்லி இலைகள் புதினா இலைகள் தக்காளி சேர்த்து அரைத்துக் கொள்ளவும்.

5. வெங்காயம் பொன்னிறமாக வதங்கியதும் அரைத்து வைத்த விழுது தேவையான அளவு உப்பு மிளகாய் தூள் பிரியாணி மசாலா தனியாத்தூள் அனைத்தையும் சேர்த்து நன்றாக கிளறவும்.

6. எண்ணெய் பிரிந்து வந்ததும் மட்டன் மட்டும் சேர்த்து நன்றாக வதக்கவும் பிறகு தயிர் சேர்த்து நன்றாக வதக்கி ஒரு கப் தேங்காய் பால் ஒரு கப் மட்டன் வேக வைத்த தண்ணீர் சேர்த்து நன்றாக கொதிக்க வைக்கவும்.

7. அரிசியை ஊற வைக்காமல் அப்படியே கழுவி சேர்த்து எலுமிச்சை சாறு,உப்பு அனைத்தும் சரிபார்த்து மூடி போட்டு வேக வைக்கவும்.

8. 15 நிமிடம் நன்றாக வெந்ததும் தோசை சட்டியின் மேல் பிரியாணி செய்த பாத்திரத்தை வைத்து தம் போட்டு 15 நிமிடத்திற்கு பிறகு திறந்தால் சுவையான சீரக சம்பா மட்டன் பிரியாணி தயார்.