மதிய உணவிற்கு வித்தியாசமான சுவையில் சோயா மசாலா புலாவ் இப்படி ஒரு முறை செய்து பாருங்கள்!!

Ingredients

• 1 கப் சோயா
• 1 கப் பாசுமதி அரிசி
• 3 பெரிய வெங்காயம்
• கறிவேப்பிலை, கொத்தமல்லி (சிறிதளவு)
• 1 டீஸ்பூன் மிளகாய்த்தூள்
• 1 டீஸ்பூன் கரம் மசாலா தூள்
• 1 டீஸ்பூன் சீரகத்தூள்
• 1 டீஸ்பூன் மல்லி தூள்
• 1 டீஸ்பூன் மிளகு தூள்
• 2 டீஸ்பூன் கடலை மாவு
• 1 பட்டை, கிராம்பு, ஏலக்காய்
• 2 காய்ந்த மிளகாய்
• 1 டீஸ்பூன் இஞ்சி பூண்டு விழுது
• 1 டீஸ்பூன் பச்சை மிளகாய் விழுது
• 3 டேபிள் ஸ்பூன் தயிர்
• உப்பு (தேவையான அளவு)
• நெய் (தேவையான அளவு)

Method

1. முதலில் சோயாவை நன்கு ஊறவைத்த தண்ணீர் பிழிந்து, மிக்ஸியில் சேர்த்து கொரகொரப்பாக அரைத்து எடுத்துக் கொள்ளவும்.‌

2. பின் இதனை ஒரு பவுளுக்கு மாற்றி அதனுடன் நறுக்கிய வெங்காயம், கொத்தமல்லி, கறிவேப்பிலை, கடலை மாவு, மிளகாய் தூள், மிளகு தூள், தனியா தூள், கரம் மசாலா தூள் சேர்த்து நன்கு பிசைந்து கொள்ளவும்.

3. பின் ஒரு கடாயை அடுப்பில் வைத்து நெய் சேர்த்து காய்ந்ததும் நாம் செய்து வைத்துள்ள உருண்டைகளை சேர்த்து சிறிது வறுத்து எடுத்துக் கொள்ளவும்.

4. பின் ஒரு அகலமான பாத்திரத்தை அடுப்பில் வைத்து நெய் சேர்த்து சூடானதும் பட்டை, கிராம்பு ஏலக்காய், மிளகு, காய்ந்த மிளகாய் சேர்த்து அதனுடன் நறுக்கிய வெங்காயம் சேர்த்து நன்கு வதக்கவும்.

5. வெங்காயம் வதங்கியதும் இஞ்சி பூண்டு விழுது, பச்சை மிளகாய் விழுது, உப்பு சேர்த்து நன்கு பச்சை வாசனை போக வதக்கவும்.

6. பின் மிளகு தூள், சீரகத்தூள், கரம் மசாலா தூள், தயிர் சேர்த்து நன்கு வதக்கவும். எண்ணெய் பிரிந்து வந்ததும் ஊற வைத்துள்ள அரிசியை சேர்த்து தேவையான அளவு தண்ணீர் விட்டு ஒரு கொதி விடவும்.

7. பின் ஒரு கொதி வந்ததும் நாம் செய்து வைத்துள்ள உருண்டைகளை அதன்மேல் சேர்த்து மூடி வைத்து வேக விடவும். இவை நன்கு வெந்து வந்ததும் கொத்தமல்லி தழை தூவி இறக்கவும். அவ்வளவுதான் சுவையான சோயா மசாலா புலாவ் தயார்.