வித்தியாசமான ஸ்பாட் இட்லி காலை உணவிற்கு எளிமையான முறையில் இப்படி ஒரு முறை செய்து பாருங்கள்!!

Ingredients

• 1 கப் இட்லி மாவு
• எண்ணெய் (தேவையான அளவு)
• வெண்ணெய் (தேவையான அளவு)
• 2 பெரிய வெங்காயம்
• 2 தக்காளி
• உப்பு (தேவையான அளவு)
• 1/2 டீஸ்பூன் மஞ்சள் தூள்
• 1 டீஸ்பூன் மிளகாய்த்தூள்
• 1 டீஸ்பூன் நறுக்கிய பூண்டு
• 1 டீஸ்பூன் நறுக்கிய பச்சை மிளகாய்
• கறிவேப்பிலை, கொத்தமல்லி (சிறிதளவு)
• 1 டீஸ்பூன் கடலை பருப்பு
• 1 டீஸ்பூன் உளுந்தம் பருப்பு
• 1 டீஸ்பூன் மிளகு
• 1 டீஸ்பூன் சீரகம்
• 1 டீஸ்பூன் தனியா
• 2 துண்டு புளி
• 4 பல் பூண்டு
• 1/4 டீஸ்பூன் வெந்தயம்
• 1/2 டீஸ்பூன் கடுகு
• 1/2 டீஸ்பூன் பெருங்காயத்தூள்
• 1 கொத்து கறிவேப்பிலை
• 6 காய்ந்த மிளகாய்

Method

1. முதலில் ஒரு கடாயை அடுப்பில் வைத்து அரைக்க கொடுத்துள்ள பொருட்களை சேர்த்து வறுத்து மிக்ஸியில் சேர்த்து நன்கு அரைத்து எடுத்துக் கொள்ளவும்.

2. பின் அதே கடாயில் வெண்ணெய் மற்றும் எண்ணெய் விட்டு காய்ந்ததும் வெங்காயம் சேர்த்து நன்கு வதக்கவும். வெங்காயம் வதங்கியதும் நறுக்கிய பூண்டு, பச்சை மிளகாய், தக்காளி சேர்த்து நன்கு வதக்கவும்.

3. பின் உப்பு, மஞ்சள் தூள், மிளகாய் தூள் மற்றும் நாம் அரைத்து வைத்துள்ள மசாலாவை சேர்த்து நன்கு வதக்கி கொத்தமல்லி, கறிவேப்பிலை சேர்த்து இறக்கவும்.

4. ஒரு தவாவை அடுப்பில் வைத்து வெண்ணெய் சேர்த்து வதக்கி வைத்துள்ள வெங்காயத்தை சிறிதளவு எடுத்து தவாவில் வைத்து அதன் மேல் ஒரு கரண்டி இட்லி மாவை ஊற்றி அதன்மேல் நாம் அரைத்து வைத்துள்ள மசாலாவை சிறிதளவு தூவி, மற்றொரு பக்கமும் வேக வைத்து எடுக்கவும்.

5. இப்படி அனைத்து மாவையும் இட்லி செய்து எடுத்துக் கொள்ளவும். அவ்வளவுதான் சுவையான ஸ்பாட் இட்லி தயார்.