ஆரோக்கிய சத்துக்கள் நிறைந்த சன்ஷைன் ஜூஸ் இப்படி எளிமையாக வீட்டிலயே செய்து பாருங்க!

காலையில் எழுந்ததும் வெறும் வயிற்றில் காபி, டீ அருந்தும் பழக்கத்தை நிறுத்திவிட்டு ஏதாவது ஒரு காய்கறி ஜூஸ் அல்லது பழ வகைகளில் ஆன ஜூஸ் வகைகளை தேர்ந்தெடுத்து சாப்பிடுவது உடல் ஆரோக்கியத்திற்கு வலு சேர்க்கும். அந்த வகையில் நம் ஆரோக்கியத்திற்கு அற்புதக் கொடையாக இருக்கக்கூடிய வெள்ளரி ,கேரட்டை வைத்து எப்படி அருமையான சுவையில் சன்ஷைன் ஜூஸ் எப்படி போடுவது? என்பதைத் தான் இந்த சமையல் குறிப்பு சார்ந்த பதிவின் மூலம் நாம் தெரிந்து கொள்ள இருக்கிறோம்.

சன்ஷைன் ஜூஸில் ஏராளமான சத்துக்கள் உள்ளன. நம்முடைய நோய் எதிர்ப்பாற்றலை அதிகரித்து, கேன்சருக்கு எதிராக போராடுகிறது. மேலும் இது ரத்தத்தில் இருக்கும் சர்க்கரையின் அளவை சீர் செய்கிறது. இதில் இனிப்பு எதுவும் சேர்க்காமல் குடித்தால் நல்லது. மேலும் இது சரும ஆரோக்கியம், இருதய ஆரோக்கியம், லிவர், கண்கள் போன்றவற்றையும் பாதுகாப்பாக வைத்துக் கொள்கிறது. விட்டமின் ஏ, விட்டமின் சி, விட்டமின் ஈ மற்றும் விட்டமின் பி ஆகியவை அதிகம் நிறைந்துள்ள தக்காளி ,வெள்ளரி  கேரட்டில் ஆன்டி ஆக்ஸிடென்ட்கள், மினரல்கள் போன்றவையும் உள்ளன. வாங்க இந்த ஜூஸ் செய்வது எப்படி என்று பார்ப்போம்.