வாழைப்பூவில் ஒரு தடவை சாம்பார் செஞ்சு பாருங்க!

Ingredients

• 1 கப் நறுக்கிய வாழைப்பூ
• 1 முருங்கைக்காய்
• 4 கத்தரிக்காய்
• 1 1/2 டீஸ்பூன் சாம்பார் பொடி
• 2 பெரிய வெங்காயம்
• 2 தக்காளி
• 100 கி துவரம் பருப்பு
• 1/4 டீஸ்பூன் மஞ்சள் தூள்
• 1/4 டீஸ்பூன் பெருங்காயத்தூள்
• 1 கொத்து கறிவேப்பிலை
• உப்பு (தேவையான அளவு)
• எண்ணெய் (தேவையான அளவு)
• 1/2 டீஸ்பூன் கடுகு உளுந்தம் பருப்பு

Method

1. துவரம் பருப்பை குக்கரில் சேர்த்து தண்ணீர் ஊற்றி இரண்டு விசில் விட்டு எடுத்துக் கொள்ளவும்.

2. ஒரு கடாயில் எண்ணெய் சேர்த்து கடுகு உளுந்தம்பருப்பு கறிவேப்பிலை போட்டு தாளித்து அதனுடன் பெரிய வெங்காயம் சேர்த்து நன்றாக வதக்கவும்.

3. அதனுடன் தக்காளி சேர்த்து நன்றாக வதக்கி அதனுடன் நறுக்கிய முருங்கைக்காய் வாழைப்பூ கத்தரிக்காய் சேர்த்து நன்றாக கிளறி மஞ்சள் தூள் பெருங்காயத்தூள், உப்பு சாம்பார் பொடி அனைத்தும் சேர்த்து நன்றாக கிளறி வேக வைத்த துவரம் பருப்பு சேர்த்து தண்ணீர் ஊற்றி கிளறவும்.

4. நன்றாக காய்கறிகள் வெந்தவுடன் இறக்கினால் சுவையான வாழைப்பூ சாம்பார் தயார்.