சூப்பரான வெஜ் கறி தோசை அவசியம் இப்படி ட்ரை பண்ணி பாருங்க எவ்வளவு தோசை கொடுத்தாலும் சாப்பிடுவாங்க!

Ingredients

• 1/2 கப் உருளைக்கிழங்கு
• 1/2 கப் கேரட்
• 1/2 கப் காலிஃப்ளவர்
• 1/2 கப் மீல்மேக்கர்
• 1 கப் இட்லி மாவு
• 1 வெங்காயம்
• 1 தக்காளி
• 1 கைப்பிடி புதினா
• 1 ஸ்பூன் மிளகாய் தூள்
• 1 ஸ்பூன் மல்லி தூள்
• 1/2 ஸ்பூன் மஞ்சள் தூள்
• 1/2 ஸ்பூன் கரமசாலா
• 1/2 கப் தேங்காய் துருவல்
• 2 பச்சை மிளகாய்
• 1 ஸ்பூன் சோம்பு
• 6 பல் பூண்டு
• 1 துண்டு இஞ்சி
• 1 ஸ்பூன் கசகசா
• 1 கொத்து கறிவேப்பிலை
• உப்பு (தேவையான அளவு)
• எண்ணெய் (தேவையான அளவு)
• 1 பட்டை
• 2 கிராம்பு
• 1 ஏலக்காய்
• 1 சோம்பு சோம்பு

Method

1. முதலில் காய்கறிகளை பொடியாக நறுக்கி எடுத்து வைத்துக்கொள்ள வேண்டும். சுடு தண்ணீரில் காலிஃப்ளவர் உப்பு சேர்த்து ஊற வைத்து அலசி எடுத்துக்கொள்ள வேண்டும்.

2. மீல் மேக்கரை வெந்நீரில் உப்பு, மஞ்சள் தூள், சேர்த்து வேகவைத்து தண்ணீரை பிழிந்து எடுத்து பொடியாக நறுக்கி வைத்துக் கொள்ள வேண்டும்.

3. பின் அடுப்பில் ஒரு குக்கரை வைத்து எண்ணெய் ஊற்றி காய்ந்ததும் அதில் பட்டை, கிராம்பு, ஏலக்காய் , சோம்பு சேர்த்து தாளித்துக் கொள்ளவும். பிறகு அதில் பொடியாக நறுக்கிய வெங்காயம் சேர்த்து நன்றாக பொன்னிறமாக வதக்கிக் கொள்ளவும்.

4. வெங்காயம் பொன்னிறமாக வதங்கிய பிறகு தக்காளி, புதினா சேர்த்து நன்றாக வதக்கிக் கொள்ளவும். பிறகு மிளகாய் தூள், மல்லி தூள், கரம் மசாலா தூள், மஞ்சள் தூள் சேர்த்து நன்றாக கலந்து விடவும்.

5. பிறகு அதில் சுத்தம் செய்து எடுத்து வைத்துள்ள காய்கறிகளை சேர்த்து கலந்து விட்டு காய்கறி வேகுவதற்கு தேவையான அளவு தண்ணீர் , உப்புசேர்த்து வேக வைத்து கொள்ளவும்.காய்கறிகள் வேகுவதற்குள் ஒரு மிக்ஸி ஜாரில் தேங்காய் துருவல், பச்சை மிளகாய், இஞ்சி, பூண்டு, கசகசா, சோம்பு சேர்த்து விழுதாக அரைத்து எடுத்துக் கொள்ள வேண்டும்.

6. பிறகு அதில் அரைத்து வைத்துள்ள தேங்காய் விழுதை காய்கறிகளில்சேர்த்து நன்றாக மூடி போட்டு விசில் விடவும். காய்கறிகள் நன்றாக வெந்து வந்து பிறகு அடுப்பில் ஒரு தோசை கல்லை வைத்து தோசை ஊற்றிஅதில் இந்த காய்கறி மசாலாவை சேர்த்து நடுவில்வைத்து மேலே எண்ணெய் ஊற்றி வேக வைக்கவும்.

7. தோசை வெந்து பிறகு சூடாகபரிமாறினால் சுவையான வெஜ் கறி தோசை தயார்.