அசைவ சுவையில் ருசியான வெஜ் கீமா மசாலா ஒரு முறை இப்படி வீட்டில் சுலபமாக செஞ்சி பாருங்கள்!

Ingredients

• 1/4 கப் பன்னீர் துருவல்
• 2 டேபிள் ஸ்பூன் பச்சை பட்டாணி
• 1 கேரட்
• 1/4 கப் காலிஃப்ளவர் துருவல்
• 1/2 குடைமிளகாய்
• 2 பெரிய வெங்காயம்
• 1 தக்காளி
• 8 முந்திரி
• 1/4 கப் பால்
• 1/2 டீஸ்பூன் இஞ்சி பூண்டு விழுது
• 1 டேபிள் ஸ்பூன் மிளகாய்த் தூள்
• 1/4 டீஸ்பூன் கரம் மசாலா
• 1/4 டீஸ்பூன் சீரகத் தூள்
• 1/4 டீஸ்பூன் தனியா தூள்
• 1/4 டீஸ்பூன் கஸ்தூரி மேத்தி
• உப்பு (தேவையான அளவு)
• எண்ணெய் (தேவையான அளவு)

Method

1. வெங்காயம் கேரட் மற்றும் குடைமிளகாய் அனைத்தையும் பொடி பொடியாக நறுக்கிக் கொள்ளவும்.தக்காளியை மிக்ஸி ஜாரில் போட்டு விழுதாக அரைத்துக் கொள்ளவும்.

2. ஒரு கடாயில் எண்ணெய் ஊற்றி வெங்காயம் சேர்த்து நன்றாக வதக்கிக் கொள்ளவும்.

3. பிறகு தக்காளி விழுது இஞ்சி பூண்டு விழுது சேர்த்து பச்சை வாசனை போகும் வரை நன்றாக வதக்கிக் கொள்ளவும்.பச்சை வாசனை போன பிறகு நறுக்கி வைத்துள்ள குடைமிளகாய் கேரட் துருவிய பன்னீர் துருவிய காலிஃப்ளவர் மற்றும் பச்சை பட்டாணி சேர்த்து நன்றாக வதக்கவும்.

4. அனைத்தும் நன்றாக வதங்கிய பிறகு மிளகாய் தூள் கரம் மசாலா சீரகத்தூள் மஞ்சள் தூள் அனைத்தும் சேர்த்து நன்றாக கிளறவும்.

5. தேவையான அளவு உப்பு சேர்த்து அரை டம்ளர் தண்ணீர் ஊற்றி நன்றாக வேக வைக்கவும்.

6. முந்திரியை பாலில் அரை மணி நேரம் ஊறவைத்து பாலோடு சேர்த்து அரைத்துக் கொள்ளவும்.

7. காய்கறி அனைத்தும் நன்றாக வெந்த பிறகு அரைத்து வைத்துள்ள முந்திரி விழுதை அதில் சேர்த்து ஐந்து நிமிடங்கள் போதிக்க விட்டு இறுதியாக கஸ்தூரி மேத்தி சேர்த்து இறக்கவும். இப்பொழுது சுவையான வெஜ் கீமா மசாலா தயார்.