சிகப்பு அகத்தி பூ ஃப்ரை வீட்டில் உள்ளவர்களுக்கு செய்து கொடுங்கள் ஆரோக்கியத்திற்கு மிகவும் நல்லது!!

Ingredients

• 250 கிராம் சிகப்பு அகத்தி
• 1 கப் நறுக்கிய
• 1/2 டீஸ்பூன் தனியா தூள்
• 1/4 டீஸ்பூன் சீரகத்தூள்
• 1 டீஸ்பூன் மிளகாய்த்தூள்
• 1/4 டீஸ்பூன் மஞ்சள் தூள்
• 1/2 கப் தேங்காய்
• கறிவேப்பிலை (சிறிதளவு)
• உப்பு (தேவையானஅளவு)
• 1 டேபிள் ஸ்பூன் எண்ணெய்
• 1/4 டீஸ்பூன் கடுகு உளுந்தம் பருப்பு
• 1/2 டீஸ்பூன் கடலை பருப்பு
• கொத்தமல்லி இலை (சிறிதளவு)

Method

1. அகத்தி பூக்களை பறித்து தண்ணீரில் கழுவி வைத்துக் கொள்ளவும்.

2. பின்னர் அகத்திப்பூக்களை பொடியாக நறுக்கி, மற்ற தாளிக்க தேவையான பொருட்கள் எடுத்து வைத்துக் கொள்ளவும்.

3. வாணலியை அடுப்பில் வைத்து சூடானதும் எண்ணெய் ஊற்றி காய்ந்ததும் கடுகு, உளுந்து பருப்பு, கடலை பருப்பு, கறிவேப்பிலை சேர்த்து நன்கு வதக்கவும்.

4. கடுகு பொரிந்ததும் நறுக்கி வைத்துள்ள வெங்காயம் சேர்த்து வதக்கி, பின்பு அகத்தி பூவை சேர்த்து நன்கு கலந்து மூடி வைக்கவும்.

5. ஐந்து நிமிடத்திற்கு பிறகு மேலே கொடுத்துள்ள மசாலா பொருட்களை சேர்த்து, தேவையான உப்பு சேர்த்து நன்கு கலந்து மிதமான சூட்டில் வைத்து வதக்கவும்.

6. கடைசியாக தேங்காய் துருவல், மல்லி இலை சேர்த்து கலந்து இறக்கினால் அகத்திப்பூ மசாலா ஃப்ரை தயார்.