புடலங்காய் மோர் குழம்பு 20 நிமிடத்தில் மணக்க மணக்க இப்படி செய்து பாருங்கள் இதன் சுவை நாவிலேயே இருக்கும்!!!

Ingredients

• 2 கப் தயிர்
• 1/2 கப் புடலங்காய்
• 1 பெரிய வெங்காயம்
• 1/2 டீஸ்பூன் மஞ்சள் தூள்
• 1/2 டீஸ்பூன் சாம்பார் பொடி
• உப்பு (தேவையான அளவு)
• 2 வர ‌மிளகாய்
• 1 டீஸ்பூன் மல்லி
• 1 டீஸ்பூன் கடலை பருப்பு
• 1 டீஸ்பூன் துவரம் பருப்பு
• 1/2 டீஸ்பூன் சீரகம்
• 1/4 கப் தேங்காய் துருவல்
• 5 பச்சை மிளகாய்
• 1 துண்டு இஞ்சி
• 1 டேபிள் ஸ்பூன் தேங்காய் எண்ணெய்
• 1/2 டீஸ்பூன் கடுகு
• 1/2 டீஸ்பூன் உளுத்தம் பருப்பு
• 1/2 டீஸ்பூன் பெருங்காயத்தூள்
• 2 வர ‌மிளகாய்
• கறிவேப்பிலை, கொத்தமல்லி (சிறிதளவு)

Method

1. முதலில் புடலங்காயை தோல் சீவி விட்டு நடுத்தர துண்டுகளாக நறுக்கி வைத்துக் கொள்ளவும். தயிரை நன்கு கடைந்து வைத்துக் கொள்ளவும்.

2. பின் மல்லி, கடலைப்பருப்பு, துவரம் பருப்பு, வரமிளகாய், சீரகம் ஆகியவற்றை அரை மணி நேரம் வரை ஊற வைத்துக் கொள்ளவும்.

3. ஒரு மிக்ஸி ஜாரில் இஞ்சி, பச்சைமிளகாய், தேங்காய், மஞ்சள் தூள் மற்றும் நாம் ஊற வைத்துள்ள பொருட்கள் சேர்த்து நன்கு மைய அரைத்துக் கொள்ளவும்.

4. பின் நாம் அரைத்த விழுதை கடைந்த தயிரில் சேர்த்து அதனுடன் உப்பு சேர்த்து நன்கு கலந்து கொள்ளவும்.

5. ஒரு‌ வாணலியை அடுப்பில் வைத்து தயிரை சேர்த்து மிதமான தீயில் நுரை பொங்க கொதிக்கவிட்டு தனியாக எடுத்து வைத்துக் கொள்ளவும்.

6. பின் ஒரு கடாயை அடுப்பில் வைத்து நறுக்கி வைத்துள்ள புடலங்காயை சேர்த்து அதனுடன் சிறிதளவு தண்ணீர், சாம்பார் தூள், உப்பு சேர்த்து வேகவைத்துக் கொள்ளவும்.

7. பின் வேகவைத்த புடலங்காயை மோர் குழம்பில் சேர்த்து கலந்து விடவும். அதன்பிறகு பெரிய வெங்காயத்தை பொடியாக நறுக்கி மோருடன் சேர்த்து கலந்து விடவும்.

8. ஒரு தாளிப்பு கடாயை அடுப்பில் வைத்து தேங்காய் எண்ணெய் ஊற்றி காய்ந்ததும் தாளிக்க கொடுத்துள்ள பொருட்களை சேர்த்து தாளித்து குழம்பில் சேர்த்து கலந்து விடவும். அவ்வளவுதான் சுவையான புடலங்காய் மோர் குழம்பு தயார்.