குரு மங்கள யோகம் குரு உடன் மங்களகாரகன் செவ்வாய் இணைவது குருபகவான் செவ்வாயை பார்வையிடுவது குரு மங்கள யோகமாகும். குருவிற்கு நண்பர் செவ்வாய். இருவரும் கூட்டணி அமைத்து ஒரு ஜாதகத்தில் இருந்தாலோ, ஒருவரை ஒருவர் பார்த்துக்கொண்டாலோ இந்த யோகம் ஏற்படும். குருவிற்கு 4,7,10 ஆம் இடங்களில் செவ்வாய் அமர்வது குரு மங்கள யோகமாகும். இயற்கை பாவ கிரகமான செவ்வாய் சுபத்துவம் அடைந்து நன்மை தருவார். ஒருவரின் ஜாதகத்தில் செவ்வாய் பலம் குன்றினால் தோஷம் என்றால், பலம் பொருந்தினால் வீரமானவராகவும், சொத்து சுகம் மிக்கவராகவும் இருப்பார். இப்படிப்பட்ட செவ்வாய் கிரகம் ஜூலை 12ம் நாளன்று ரிஷப ராசிக்கு பெயர்ச்சியாகிறது.
செவ்வாய் கிரகம், நிலம், பூமி என நிலையான சொத்துக்கள் ஒருவருக்கு இருப்பதையும் இல்லாததையும் சொல்வது ஒருவர் ஜாதகத்தில் செவ்வாய் இருக்கும் நிலை தான். இந்த யோகம் உள்ளவர்கள் விளையாட்டு, ராணுவம், காவல்துறையில் சிறந்து விளங்குவார். இப்படி வாழ்க்கையின் பல முக்கியமான விஷயங்களை முடிவு செய்யும் செவ்வாய், ரிஷப ராசிக்குக் ஜூலை 12ம் தேதியன்று பெயர்ச்சியாகிறார். அங்கு ஆகஸ்ட் 26-ம் தேதி வரை இருந்து அருள்பாலிக்கிறார். தற்போது குரு பகவான், ரிஷபத்தில் இருக்கும் நிலையில், செவ்வாயும் ரிஷபத்திற்கு செல்வதால், குருவும் செவ்வாயும் இணையும் குரு மங்கள யோகம் உருவாகிறது. இந்த யோகத்தினால் சில ராசிக்காரர்களுக்கு நல்ல பலன்கள் கிடைக்கும் அது யார் என இந்த ஆன்மீகப் பதிவில் பார்க்கலாம்.
மேஷம்
எதிர்பாராத பண வரவை மேஷ ராசிக்கு கொடுக்கும் செவ்வாய்ப் பெயர்ச்சி தொழிலில் ஈடுபட்டுள்ளவர்களுக்கு அருமையான பலன்களைக் கொடுக்கும். இல்லற வாழக்கை சுகமாக இனிக்கும், வராமல் இழுத்தடித்துக் கொண்டிருந்த கடன் தொகை வந்து சேரும். வெளிநாடு செல்ல திட்டமிடுபவர்களுக்குச் சாதக சூழல் நிலவும். நீங்கள் சரியான ஆலோசனையுடன் செய்யக்கூடிய முதலீடுகள் மூலம் அதிக லாபம் கிடைக்கும். இந்த காலத்தில் மேஷ ராசியினருக்கு, குடும்பத்திலும், தொழிலுலும் அந்தஸ்தும் கெளரவமும் அதிகரிக்கும். நீங்கள் எடுத்து வைக்கும் ஒவ்வொரு அடியிலும் அதிர்ஷ்டத்தின் ஆதரவைப் பெறுவீர்கள்.
ரிஷபம்
செவ்வாயும் குருவும் இணைவதால் ஏற்படும் நல்ல பலன்களை அனுபவிப்பதில் சிம்ம ராசி முன்னிலை வகிக்கிறது. இதுவரை இருந்த பணக்கஷ்டம், மனக்கஷ்டங்கள் தீரும். பொருளாதார ரீதியான முன்னேற்றத்தை எதிர்பார்க்கலாம். உங்கள் முயற்சிகள் முழுமையாக வெற்றியடையும். அரசாங்க திட்டத்தின் மூலம் நன்மைகள் பெறுவீர்கள். இல்லற வாழ்க்கையில் மகிழ்ச்சி அதிகரிக்கும். வேலையிலும் குடும்பத்திலும் இணக்கமான உறவு இருக்கும் என்பதால் மனநிம்மதி ஏற்படும். பதவி, சம்பள உயர்வை எதிர்பார்க்கலாம்.
மகரம்
மகர ராசிக்காரர்களுக்கு செவ்வாய்ப் பெயர்ச்சி அருமையாக இருக்கும். தைரியம் அதிகரிக்கும், வியாபாரத்தில் முதலீடு செய்யும் தைரியம், நல்ல லாபத்தைக் கொடுக்கும். திட்டமிட்ட பணிகள் நிறைவேறும். நல்ல லாபம் கிடைக்கும். உத்தியோகஸ்தர்கள் திறமையை நிரூபிக்க முடியும். வேலையை மாற்ற நினைப்பவர்களுக்கு புதிய வாய்ப்புகள் பெறலாம். அட்வான்ஸ் கொடுத்து, நீண்ட காலமாக கைக்கு வராமல் இருந்து வந்த சொத்து விவகாரங்கள் முடிவுக்கு வரும். குடும்பத்தில் துணையுடன் அன்பும், அரவணைப்பும் அதிகரிக்கும்.
மீனம்
மீன ராசிக்காரர்களுக்கு தொழிலில் புதிய உயரங்களை அடையும் வாய்ப்பு நல்ல நிலையை அடைய உதவும். பல்வேறு மூலங்களில் இருந்து வருமானம் கிடைக்கும். பெற்றோருடனான உறவு மேம்படும். குடும்ப பொறுப்புகளை நிறைவேற்ற முடியும். உடல் ரீதியாக, மன ரீதியாக வலுவாக இருப்பீர்கள். வியாபாரத்தை விரிவுபடுத்தச் சாதக சூழல் இருக்கும். குடும்பத்தில் மகிழ்ச்சியும் அமைதியும் இருக்கும். வருமானம் அதிகரிப்பதால், முதலீடுகள் செய்யும் எண்ணமும் தோன்றும்.
இதனையும் படியுங்கள் : சூரியன் பெயர்ச்சியால் ஆடி மாதம் அட்டகாசமான அதிர்ஷ்டத்தை பெறப்போகும் ராசிகள்!
