வார இறுதியில் ஆந்திரா ஸ்டைலில் இந்த மீன் குழம்பை செய்து பாருங்கள் இனி இப்படித்தான் மீன் குழம்பு செய்வீர்கள்!!

Ingredients

• 1/2 கி மீன்
• 1 டீஸ்பூன் தனியா
• 10 பல் பூண்டு
• 1/2 டீஸ்பூன் வெந்தயம்
• 7 வர ‌மிளகாய்
• 1 டீஸ்பூன் சீரகம்
• 1/2 கப் புளி கரைசல்
• 1 கொத்து கறிவேப்பிலை
• 1/2 கப் சின்ன வெங்காயம்
• 1/4 கப் வெங்காய விழுது
• 1/2 டீஸ்பூன் இஞ்சி பூண்டு விழுது
• 1/2 டீஸ்பூன் மஞ்சள் தூள்
• 1 டீஸ்பூன் காஷ்மீர் மிளகாய்த்தூள்
• 1/2 டீஸ்பூன் தனியா தூள்
• 2 தக்காளி
• நல்லெண்ணெய் (தேவையான அளவு)
• உப்பு (தேவையான அளவு)

Method

1. முதலில் மீனில் உப்பு மற்றும் மஞ்சள் தூள் சேர்த்து நன்கு சுத்தம் செய்து எடுத்துக் கொள்ளவும்.

2. ஒரு கடாயை அடுப்பில் வைத்து எண்ணெய் ஊற்றாமல் தனியா, வெந்தயம், வர மிளகாய், பூண்டு, சீரகம் சேர்த்து பொன்னிறமாக வறுத்து எடுத்துக் கொள்ளவும்.

3. இவை நன்கு ஆறியதும் இதனை ஒரு மிக்ஸி ஜாரில் சேர்த்து பொடித்து வைத்துக் கொள்ளவும். பின் வெங்காயத்தை விழுதாக அரைத்து வைத்துக் கொள்ளவும்.

4. ஒரு மண் கடாயை அடுப்பில் வைத்து எண்ணெய் ஊற்றி காய்ந்ததும் வர மிளகாய், கருவேப்பிலை சேர்த்து தாளிக்கவும்.

5. பின் நறுக்கி வைத்துள்ள வெங்காயத்தை சேர்த்து பொன்னிறமாக வதக்கி அதனுடன் அரைத்து வைத்துள்ள வெங்காய விழுதை சேர்த்து நன்கு பச்சை வாசனை போக வதக்கவும்.

6. அதன்பிறகு இஞ்சி பூண்டு விழுது மற்றும் தக்காளி சேர்த்து தக்காளி நன்கு மசியும் வரை வதக்கவும்.

7. பின் காஷ்மீர் மிளகாய்த்தூள், தனியாத்தூள், மஞ்சள் தூள் சேர்த்து பச்சை வாசனை போகும் வரை வதக்கி புளிக்கரைசல், உப்பு மற்றும் தண்ணீர் சேர்த்து மூடி வைத்து கொதிக்க விடவும்.

8. பின் புளிக்கரைசல் நன்கு கொதித்தவுடன் சுத்தம் செய்து வைத்துள்ள மீன் துண்டுகளை சேர்த்து வேக விடவும். மீன் வெந்தவுடன் நாம் அரைத்து வைத்துள்ள மசாலாவை சேர்த்து நன்கு கலந்து ஒரு கொதி விட்டு இறக்கவும்.

9. அவ்வளவுதான் சுவையான மற்றும் காரசாரமான ஆந்திரா ஸ்டைலில் மீன் குழம்பு தயார். சுடச்சுட சாதத்தில் பிசைந்து சாப்பிட்டால் மிகவும் சுவையாக இருக்கும்.