தாபா ஸ்டைல் பிந்தி மசாலா இப்படி ஒரு முறை செய்து பாருங்கள் எவ்வளவு சாப்பிட்டீர்கள் என்றே தெரியாது!!!

Ingredients

• 1/4 கி வெண்டைக்காய்
• 1 டீஸ்பூன் நறுக்கிய பூண்டு
• 1 டீஸ்பூன் நறுக்கிய இஞ்சி
• 1 டீஸ்பூன் நறுக்கிய பச்சை மிளகாய்
• 1 டீஸ்பூன் கஸ்தூரி மேத்தி
• கொத்தமல்லி (சிறிதளவு)
• 1/2 டீஸ்பூன் மஞ்சள் தூள்
• 1 டீஸ்பூன் கரம் மசாலா தூள்
• 1 டீஸ்பூன் மிளகாய்த்தூள்
• 1 டீஸ்பூன் மல்லி தூள்
• 1/4 டீஸ்பூன் சர்க்கரை
• 1/4 கப் தயிர்
• உப்பு (தேவையான அளவு)
• எண்ணெய் (தேவையான அளவு)
• 1 பட்டை, கிராம்பு, ஏலக்காய்
• 1 மராத்தி மொக்கு
• 3 தக்காளி
• 2 பெரிய வெங்காயம்

Method

1. முதலில் வெண்டைக்காயை நன்கு கழுவி சுத்தம் செய்து விட்டு ஒரு துணியில் ஈரம் போக துடைத்து பெரியதாக நறுக்கி வைத்துக் கொள்ளவும்.

2. பின் ஒரு மிக்ஸி ஜாரில் தக்காளியை சேர்த்து தண்ணீர் விடாமல் நன்கு அரைத்துக் கொள்ளவும்.

3. ஒரு கடாயை அடுப்பில் வைத்து எண்ணெய் ஊற்றி காய்ந்ததும் அதில் நறுக்கி வைத்துள்ள வெண்டைக்காயை சேர்த்து முக்கால் பதம் வரை வதக்கி எடுத்துக் வைத்துக் கொள்ளவும்.

4. பின் அதே கடாயை அடுப்பில் வைத்து எண்ணெய் ஊற்றி காய்ந்ததும் பட்டை, கிராம்பு, ஏலக்காய், நட்சத்திர மொக்கு சேர்த்து கொள்ளவும்.

5. பின் பொடியாக நறுக்கிய வெங்காயத்தை சேர்த்து நன்கு வதக்கவும். வெங்காயம் வதங்கியதும் பொடியாக நறுக்கிய இஞ்சி, பூண்டு, பச்சை மிளகாய் மூன்றையும் சேர்த்து நன்கு வதக்கவும்.

6. பின் அரைத்த‌ தக்காளி விழுதை சேர்த்து வதக்கி அதனுடன் மிளகாய்த்தூள், மல்லித்தூள், மஞ்சள் தூள், உப்பு சேர்த்து நன்கு பச்சை வாசனை போக வதக்கவும்.

7. பின் இதில் வதக்கி வைத்துள்ள வெண்டைக்காய் சேர்த்து அதனுடன் கரம் மசாலா தூள் சேர்த்து நன்கு கிளறி சிறிதளவு தண்ணீர் விட்டு வேக வைக்கவும்.

8. வெண்டைக்காய் வெந்ததும் தயிர், சிறிதளவு சர்க்கரை சேர்த்து நன்கு கலந்து இரண்டு நிமிடங்கள் வேக விடவும். பின் கொத்தமல்லி தழை, கஸ்தூரி மேத்தி சேர்த்து அடுப்பை அணைத்து விடவும்.

9. அவ்வளவுதான் சுவையான மற்றும் ஆரோக்கியமான தாபா ஸ்டைல் பிந்தி மசாலா தயார். சாதத்தில் பிசைந்து சாப்பிட மிக சுவையாக இருக்கும்.