கத்தரிக்காய் மட்டன் குழம்பு ஒரு முறை இப்படி செய்து பாருங்கள் வீடே மணக்கும் அளவுக்கு இருக்கும்!!

Ingredients

• 3/4 கி மட்டன்
• 1/2 கி கத்தரிக்காய்
• 1/2 டீஸ்பூன் மஞ்சள் தூள்
• 1 கொத்து கறிவேப்பிலை
• 1/2 கப் சின்ன வெங்காயம்
• 1 டீஸ்பூன் இஞ்சி பூண்டு விழுது
• 1 டீஸ்பூன் மிளகாய்த்தூள்
• 1/2 டீஸ்பூன் மல்லி தூள்
• 1/2 டீஸ்பூன் மிளகு தூள்
• 2 தக்காளி
• கொத்தமல்லி (சிறிதளவு)
• உப்பு (தேவையான அளவு)
• எண்ணெய் (தேவையான அளவு)
• 1 டீஸ்பூன் கசகசா
• 1/2 டீஸ்பூன் சோம்பு
• 1 டீஸ்பூன் மிளகு தூள்
• 1 டீஸ்பூன் மல்லி
• 1 டீஸ்பூன் சீரகம்
• 2 பட்டை, கிராம்பு, ஏலக்காய்

Method

1. முதலில் மட்டனை நன்கு சுத்தமாக கழுவி குக்கரில் சேர்த்து தேவையான அளவு தண்ணீர், உப்பு மற்றும் மஞ்சள் தூள் சேர்த்து பாதி அளவு வேகவைத்து எடுத்துக் கொள்ளவும். பின் மட்டன் வேகவைத்து தண்ணீரை தனியாக எடுத்து வைத்துக் கொள்ளவும்.

2. ஒரு வாணலியை அடுப்பில் வைத்து சூடானதும் அரைக்க கொடுத்துள்ள பொருட்களை சேர்த்து வறுத்து ஆறியதும் ஒரு மிக்ஸியில் சேர்த்து நன்கு அரைத்துக் கொள்ளவும்.

3. பின் ஒரு குழம்பு கடாயை அடுப்பில் வைத்து எண்ணெய் ஊற்றி காய்ந்ததும் கறிவேப்பிலை, வெங்காயம் சேர்த்து பொன்னிறமாக வதக்கவும்.

4. பின் வெங்காயம் வதங்கியதும் இஞ்சி பூண்டு விழுது, மிளகாய் தூள் மற்றும் மிளகு தூள் சேர்த்து நன்கு வதக்கவும்.

5. பின் தக்காளி மற்றும் கத்தரிக்காய் சேர்த்து இரண்டு நிமிடங்கள் வதக்கி அதனுடன் மட்டன், உப்பு, நாம் அரைத்து வைத்துள்ள மசாலாவை சேர்த்து நன்கு கலந்து விடவும்.

6. பின் நாம் எடுத்து வைத்துள்ள மட்டன் வேகவைத்த தண்ணீரை ஊற்றி மூடி போட்டு கொதிக்க விடவும்.

7. குழம்பு நன்கு கொதித்து எண்ணெய் பிரிந்து வரும் போது அதில் மிளகு தூள் மற்றும் கொத்தமல்லியை தூவி அடுப்பை அணைத்து விடவும். அவ்வளவுதான் கத்தரிக்காய் மட்டன் குழம்பு தயார்.