அடுத்தமுறை நண்டு வாங்கி செட்டிநாடு ஸ்டைல் தண்ணீர் நண்டு குழம்பு இப்படி செஞ்சி பாருங்க!

Ingredients

• 1/2 KG நண்டு
• 20 சின்ன வெங்காயம் (நறுக்கியது)
• 2 தக்காளி நறுக்கியது (நறுக்கியது)
• 8 பல் பூண்டு
• 1 கத்தரிக்காய் (நறுக்கியது)
• 1/2 கப் தேங்காய் துருவியது
• 1 Tbsp மிளகாய் தூள்
• 1/2 Tsp மஞ்சள் தூள்
• 1/2 Tbsp கரம் மசாலா
• 2 பட்டை
• 1 Tsp சீரகம்
• 1 Tsp சோம்பு
• 1/2 Tsp வெந்தயம்
• எண்ணெய் (தேவையான அளவு)
• 1 கைப்பிடி கொத்த மல்லி
• 1 கொத்து கருவேப்பிலை
• உப்பு (தேவையான அளவு)

Method

1. முதலில் நண்டை கழுவி சுத்தம் செய்து, பின் ஒரு பாத்திரத்தை அடுப்பில் வைத்து தேவையான அளவு தண்ணீர் ஊற்றி அதில் நண்டு மற்றும் உப்பு சேர்த்து பத்து நிமிடம் வேகவைத்துக் கொள்ளவும்.

2. பின் சின்ன வெங்காயம், தக்காளி ஆகியவற்றை நறுக்கி. பூண்டை தோல் உரித்து தட்டி வைத்துக் கொள்ளவும். பின் தேங்காய் துருவலுடன் தண்ணீர் சேர்த்து அரைத்துக் வைத்து கொள்ளவும்.

3. பின்பு கடாயை அடுப்பில் வைத்து அதில் எண்ணெய் ஊற்றி வெங்காயம், கத்தாிக்காய், தக்காளி ஆகியவற்றை சேர்த்து வதக்கி பின் 2 கப் தண்ணீர் சேர்த்து நன்கு கொதிக்க விடவும்.

4. பிறகு அதனுடன் மிளகாய் தூள், தேங்காய் விழுது மற்றும் தேவையான அளவு உப்பு சேர்த்து 5 நிமிடம் கொதிக்க விடவும். பின் காய்கறிகள் வெந்ததும் நண்டை சேர்த்து 5 நிமிடம் கொதிக்க விட்டு இறக்கவும்.

5. பிறகு வேறு கடாயை அடுப்பில் வைத்து அதில் எண்ணெய் விட்டு எண்ணெய் சூடானதும் சோம்பு, பட்டை, சீரகம், வெந்தயம், பூண்டு போட்டு சிவக்க வதக்கி குழம்பில் சேர்க்கவும்.

6. பின்பு நறுக்கிய கொத்தமல்லித் தழையை தூவி இறக்கி விடவும் அவ்வளவுதான் சூட சூட செட்டிநாடு நண்டு தண்ணீர் குழம்பு தயாராகிவிட்டது.