சப்பாத்தி, பூரி போன்றவற்றிக்கு ஏற்ற கொத்தமல்லி உருளைக்கிழங்கு மசாலா இப்படி செய்து பாருங்கள்!!!

Ingredients

• 2 பெரிய உருளைக்கிழங்கு
• 1/4 கப் பச்சை பட்டாணி
• 1 கேரட்
• 1 தக்காளி
• 2 பெரிய வெங்காயம்
• 3 பச்சை மிளகாய்
• எண்ணெய் (தேவையான அளவு)
• உப்பு (தேவையான அளவு)
• 1/2 டீஸ்பூன் கடுகு உளுந்தம் பருப்பு
• 1/2 டீஸ்பூன் பெருங்காயத்தூள்
• 1 டீஸ்பூன் மஞ்சள் தூள்
• 1 கொத்து கறிவேப்பிலை
• 8 முந்திரி
• 1 கப் கொத்தமல்லி
• 1 துண்டு இஞ்சி
• 7 பல் பூண்டு
• 2 பட்டை, கிராம்பு, ஏலக்காய்
• 3 பச்சை மிளகாய்

Method

1. முதலில் உருளைக்கிழங்கை குக்கரில் சேர்த்து தேவையான அளவு தண்ணீர் விட்டு வேகவைத்து துண்டுகளாக நறுக்கி வைத்துக் கொள்ளவும்.

2. பின் தக்காளி, வெங்காயம், பச்சை மிளகாயை ஆகியவற்றை நறுக்கி வைத்துக் கொள்ளவும். கேரட்டை துருவி வைத்துக் கொள்ளவும்.

3. பின் ஒரு மிக்ஸி ஜாரில் கொத்தமல்லி, இஞ்சி, பூண்டு, பட்டை, இலவங்கம், ஏலக்காய், பச்சை மிளகாய் சேர்த்து நன்கு அரைத்துக் கொள்ளவும்.

4. ஒரு வாணலியை அடுப்பில் வைத்து எண்ணெய் விட்டு காய்ந்ததும் கடுகு, உளுத்தம் பருப்பு, பெருங்காயத்தூள், கறிவேப்பிலை சேர்த்து தாளிக்கவும்.

5. பின் நாம் அரைத்து வைத்துள்ள விழுது சேர்த்து நன்கு வதக்கவும். அதன்பிறகு பச்சை மிளகாய், வெங்காயம், கேரட் சேர்த்து நன்கு வதக்கவும்.

6. வெங்காயம் வதங்கியதும் உப்பு, மஞ்சள் தூள், தக்காளி, உருளைக்கிழங்கு, பச்சை பட்டாணி சேர்த்து நன்கு வதக்கி தேவையான அளவு தண்ணீர் விட்டு மூடி வைத்து கொதிக்க விடவும்.

7. பின் பொட்டுக்கடலை மாவு, கடலை மாவு இரண்டையும் தண்ணீரில் நன்கு கரைத்து இதில் ஊற்றி கலந்து விடவும்.

8. பின் இந்த உருளைக்கிழங்கு மசாலா சிறிது கெட்டியானதும் வறுத்த முந்திரி சேர்த்து கலந்து அடுப்பை அணைத்து விடவும்.

9. அவ்வளவுதான் சுவையான மற்றும் ஆரோக்கியமான கொத்தமல்லி உருளைக்கிழங்கு மசாலா தயார். இது பூரி, சப்பாத்தி, தோசை ஆகியவற்றிற்கு சேர்த்து சாப்பிட மிகவும் சுவையாக இருக்கும்.