மட்டன் கிரேவி வீடே கம கமன்னு மணக்க திண்டுக்கல் ஸ்டைலில் இப்படி செய்து பாருங்கள்!!

Ingredients

• 1/2 கி மட்டன்
• 2 பெரிய வெங்காயம்
• 2 தக்காளி
• 1/2 டீஸ்பூன் சோம்பு
• 1 பட்டை, கிராம்பு
• கல்பாசி (சிறிதளவு)
• 1 அன்னாசி பூ
• 1 பிரியாணி இலை
• 1/2 டீஸ்பூன் மஞ்சள் தூள்
• 1 டீஸ்பூன் மிளகாய்த்தூள்
• 1 டீஸ்பூன் சீரகத்தூள்
• 1 டீஸ்பூன் மிளகு தூள்
• உப்பு (தேவையான அளவு)
• எண்ணெய் (தேவையான அளவு)
• 1/2 டீஸ்பூன் சோம்பு
• 1 துண்டு இஞ்சி
• 5 பல் பூண்டு
• 1 டீஸ்பூன் மல்லி
• 2 வர மிளகாய்
• 1/2 டீஸ்பூன் சீரகம்
• 1/2 டீஸ்பூன் மிளகு
• 1 டீஸ்பூன் கசகசா
• 1/4 கப் தேங்காய் துருவல்
• 1 பெரிய வெங்காயம்
• 1 கொத்து கறிவேப்பிலை

Method

1. முதலில் மட்டனை நன்கு கழுவி சுத்தம் செய்து விட்டு சிறிய துண்டுகளாக நறுக்கி ஒரு குக்கரில் சேர்த்து மஞ்சள் தூள் மற்றும் தேவையான அளவு தண்ணீர் விட்டு இரண்டு முதல் நான்கு விசில் விட்டு வைத்து கொள்ளவும்.

2. ஒரு கடாயை அடுப்பில் வைத்து எண்ணெய் ஊற்றி காய்ந்ததும் அரைக்க கொடுத்துள்ள பொருட்களை சேர்த்து ஒரு நிமிடம் நன்கு வதக்கி வைத்துக் கொள்ளவும்.

3. இவை நன்கு ஆறியதும் இதனை ஒரு மிக்ஸி ஜாரில் சேர்த்து சிறிதளவு தண்ணீர் விட்டு நன்கு அரைத்துக் கொள்ளவும்.

4. ஒரு வாணலியை அடுப்பில் வைத்து எண்ணெய் ஊற்றி காய்ந்ததும் பட்டை, கிராம்பு, சோம்பு, கல்பாசி, அன்னாசி பூ, பிரியாணி இலை, கறிவேப்பிலை சேர்த்து தாளிக்கவும்.

5. பின் வெங்காயம் சேர்த்து நன்கு வதக்கவும்.‌ வெங்காயம் வதங்கியதும் தக்காளி சேர்த்து நன்கு வதக்கவும்.

6. பின் வேகவைத்துள்ள மட்டனை சேர்த்து அதனுடன் மஞ்சள் தூள் சேர்த்து நன்கு வதக்கவும்.‌ அதன்பிறகு மிளகு தூள், சீரகத்தூள், மிளகாய்த்தூள் சேர்த்து ஐந்து நிமிடங்கள் வதக்கவும்.‌

7. பின் நாம் அரைத்து வைத்துள்ள மசாலாவை சேர்த்து அதனுடன் உப்பு மற்றும் தேவையான அளவு தண்ணீர் விட்டு 15 நிமிடங்கள் மூடி வைத்து வேக விடவும்.

8. மட்டன் வெந்து கிரேவி நன்கு தண்ணீர் வற்றி வந்ததும் கொத்தமல்லி தழை தூவி அடுப்பை அணைத்து விடவும். அவ்வளவுதான் சுவையான திண்டுக்கல் மட்டன் கிரேவி தயார்.