கல்யாண வீட்டு சுவையில் முருங்கக்காய் கார குழம்பு செய்வது எப்படி ?

Ingredients

• 1 tbsp எண்ணெய்
• பட்டை (சிறிதளவு)
• 2 கிராம்பு
• 6 வர மிளகாய்
• 1 tbsp மல்லி
• 1 tbsp மிளகு
• 1 tbsp உளுந்தம் பருப்பு
• 1 tbsp கடலை பருப்பு
• 1 tbsp சீரகம்
• 1 tbsp சோம்பு
• புளி (நெல்லிக்காய் அளவு)
• ½ கப் துருவிய தேங்காய்
• 2 முருங்கக்காய் (நறுக்கியது)
• 1 tbsp கடுகு
• ½ tbsp சீரகம்
• 1 tbsp உளுந்தம் பருப்பு
• 5 பல் பூண்டு
• கருவேப்பிலை (சிறிது)
• 7 சின்ன வெங்காயம்
• 1 பெரிய வெங்காயம் (நறுக்கியது)
• 2 தக்காளி (நறுக்கியது)
• ½ கப் தண்ணீர்
• கொத்த மல்லி (சிறிது)

Method

1. முதலில் ஒரு கடாயை அடுப்பில் வைத்து அதில் சிறிது எண்ணெய் ஊற்றி சிறிது அளவில் பட்டை, கிராம்பு, வர மிளகாய், மல்லி, மிளகு, உளுந்தம் பருப்பு, கடலைப்பருப்பு சேர்த்து நன்றாக வறுக்கவும்.

2. நாம் வறுக்கும் பொருட்கள் சிவந்து வரும் நேரத்தில். அதனுடன் சீரகம், சோம்பு, சிறிதளவிலான புளியை துண்டு துண்டாக போட்டு நன்றாக வறுக்கவும். பின் இதனுடன் துருவிய தேங்காயையும் சேர்த்து நன்றாக வதக்கி எடுத்துக் கொள்ளவும்.

3. நாம் வறுத்து எடுத்த பொருட்களை மிக்ஸி ஜாரில் போட்டு குளிர வையுங்கள், குளிர்ந்த உடன் தேவையான அளவு தண்ணீர் சேர்த்து பேஸ்ட் போல் நன்றாக அரைத்துக் கொள்ளவும்.

4. பின்பு இரண்டு பெரிய அளவு முருங்கக்காய் துண்டு துண்டாக நறுக்கி ஒரு பாத்திரத்தை அடுப்பில் வைத்து அதில் பாதி அளவு தண்ணீர் ஊற்றி வெட்டிய முருங்கைக்காயை அதில் போட்டு பத்து நிமிடம் நன்றாக கொதிக்க வைக்கவும்.

5. பின் காடாயை அடுப்பில் வைத்து தேவையான அளவு எண்ணெய் ஊற்றி, கடுகு, சீரகம், உளுந்தம் பருப்பு போட்டு நன்றாக தாளிக்கவும். அதன்பின் இதனுடன் சிறிதளவு கருவேப்பிலை, நறுக்கிய பூண்டு சேர்த்து வதக்கவும்.

6. பின்பு இதற்கு அடுத்தாற் போல் சின்ன வெங்காயம் மற்றும் வெட்டி வைத்திருக்கும் பெரிய வெங்காயம் சேர்த்து நன்றாக வதக்கவும். நாம் போட்ட வெங்காயம் பொன்னிறமாக வதங்கும் வரை வதக்கிக் கொள்ளவும்.

7. பின் நாம் நறுக்கி வைத்திருக்கும் தக்காளியை சேர்த்து வதக்கவும், தக்காளி நன்றாக மசிந்து வந்ததும். நாம் வறுத்து அரைத்து வைத்துள்ள பேஸ்ட்டை சேர்த்து நன்றாக கிளறி விடவும். பின் பச்சை வாடை போனவுடன் அரைக் கப் தண்ணீர் ஊற்றவும்

8. அதன் பின்பு தேவையான அளவு உப்பு மற்றும் மிளகாய் தூள் சேர்த்து நன்றாக வதக்கிக் கொள்ளவும்.ஒரு ஐந்து நிமிடம் குழம்பு கொதித்தவுடன் அதில் நம் வெட்டி வைத்திருக்கும் முருங்கைக்காயை போட்டு கிளறி விடவும்.

9. பின் குழம்பு நன்றாக கொதித்து வந்தவுடன் நாம் சிறிது சிறிதாக வெட்டி வைத்திருக்கும் கொத்தமல்லியை சேர்த்து குழம்பை இறக்கி விடவும்.அவ்வளவு தான் முருங்கைக்காய் கார குழம்பு இனிதே தயாராகிவிட்டது.