இறால் எப்படி சமைத்துக் கொடுத்தாலும் குழந்தைகள் சாப்பிடுவார்கள். இறால் வைத்து குழம்பு, வறுவல், இறால் 65, இறால் தொக்கு என பல உணவுகளை செய்து கொடுக்கலாம். அவ்வாறு இறால் வைத்து செய்யக்கூடிய ஒரு முருங்கைக்காய் இறால் மசாலா தான் இப்போது பார்க்க போகிறோம். இதில் சேர்க்கப்படும் வெங்காயம், தக்காளி , முருங்கைக்காய் இவை அனைத்தும் மிகுந்த வாசனையுடன் சுவையாக இருக்கும். இறாலில் அதிக அளவு புரதமும், வைட்டமின் டி-யும் அடங்கியுள்ளது. …
முருங்கைகாயின் வாசனைக்கே பசி எடுக்க ஆரம்பித்துவிடும். அந்த முருங்கைக்காயில் இறாலை சேர்த்தால் அவ்வளவு அருமையான மனம் இருக்கும். இறாலை முருங்கைகாயுடன் சேர்த்து செய்வதால் இறால் , முருங்கைகாயின் சத்து சேர்த்து கிடைக்கப்பெறும். முருங்கைகாய் இறாலுடன் சேர்ப்பதால் இறாலின் வாசம் முருங்கைகாயில் சேர்ந்து முருங்கைகாய் சாப்பிடாதவர்கள் கூட இதை விரும்பி சாப்பிடுவார்கள். முருங்கைகாய் இறாலுடன் சேர்த்து செய்வதால் குழந்தைகளுக்கு மிகவும் பிடிக்கும் முருங்கைகாயின் சத்தும் குழந்தைகள் உடலுக்கு சேரும். வாருங்கள் இந்த முருங்கைக்காய் இறால் மசாலா எவ்வாறு செய்ய வேண்டும் என்பதை பற்றி இந்த பதிவின் மூலம் தெரிந்து கொள்வோம்.
முருங்கைக்காய் இறால் மசாலா | Drumstick Prawn Masala
Equipment
- 1 கடாய்
தேவையான பொருட்கள்
- 3 முருங்கைக்காய்
- 1 பெரிய வெங்காயம்
- 2 பச்சை மிளகாய்
- உப்பு ருசிக்கேற்ப
- 1 தேக்கரண்டி கரம் மசாலா
- 1 தேக்கரண்டி சோம்பு தூள்
- 100 கிராம் இறால்
- 2 மேசைக்கரண்டி தேங்காய் விழுது
- 1 கொத்து கறிவேப்பிலை
- 1 மேசைக்கரண்டி எண்ணெய்
செய்முறை
- இறாலைச் சுத்தம் செய்து எடுத்துக் கொள்ளவும். முருங்கைக்காயை துண்டுகளாக நறுக்கி இரண்டாக வகுந்துக் கொள்ளவும். பெரிய வெங்காயத்தை நீளவாக்கில் நறுக்கி வைக்கவும். பச்சைமிளகாயை இரண்டாக கீறி வைக்கவும்.
- ஒரு பாத்திரத்தில் நறுக்கிய முருங்கைக்காய், பச்சை மிளகாய், இறால், பாதி அளவு வெங்காயம், உப்பு மற்றும் கரம் மசாலா போட்டு ஒரு கப் தண்ணீர் ஊற்றி மூடி போடாமல் ஒரு நிமிடம் வேகவைக்கவும்.
- ஒரு நிமிடம் கழித்து மூடி போட்டு 5 நிமிடங்கள் வேகவிட்டு, மூடியை திறந்து ஒரு முறை கிளறிவிடவும். முருங்கைக்காய் முக்கால் பதம் வெந்ததும் தேங்காய் விழுது போட்டு 3 நிமிடங்கள் கிளறிவிடவும்.
- முருங்கைக்காய் மசாலாவுடன் தேங்காய் விழுது ஒன்றாக சேர்ந்து சற்று கொதித்ததும் அடுப்பிலிருந்து இறக்கி வைக்கவும்.
- பிறகு வாணலியில் எண்ணெய் ஊற்றி காய்ந்ததும் மீதமுள்ள வெங்காயத்தை போட்டு வதக்கவும். அதனுடன் கறிவேப்பிலை, சோம்பு தூள் சேர்த்து ஒரு முறை வதக்கிவிடவும்.
- வதக்கிய வற்றைமுருங்கைக்காய் மசாலாவுடன் சேர்த்து கிளறவும். சுவையான முருங்கைக்காய் இறால் மசாலா தயார்.