- Prep
- 10 min
- Cook
- 15 min
- Total
- 25 min
- Serves
- 5
- Cuisine
- Indian, TAMIL
- Course
- Side Dish
உங்கள் வீட்டில் சப்பாத்தியை அடிக்கடி செய்வீர்களா? அந்த சப்பாத்திக்கு சைடு டிஷ்ஷையும் அதிகம் செய்வீர்களா? எப்போது ஒரே மாதிரியான சைடு டிஷ் செய்து அலுத்து விட்டதா? அப்படியானால் அடுத்த முறை சப்பாத்திக்கு முட்டை சைடு டிஷ் செய்வதாக இருந்தால், வித்தியாசமான இந்த நெய் முட்டை மசாலா செய்து பாருங்கள். முட்டை உடலுக்குத் தேவையான ஓர் சீரான உணவு என்று அழைக்கப்படுகிறது. முட்டை ஒரு ஆரோக்கியமான உணவு பொருள், உடலுக்குத் தேவையான புரோட்டீன், கால்சியம் உள்ளிட்ட சத்துக்களை வழங்க முட்டை உதவுகிறது. அதனால் தான் அவற்றை தினமும் சாப்பிட மருத்துவர்கள் பரிந்துரைக்கின்றனர்.
இது நமது அன்றாட தேவைகளை பூர்த்தி செய்யும் அளவுக்கு ஊட்டச்சத்துக்கள் நிறைந்துள்ளது. பொதுவாக, ஒரு கோழி முட்டை 65 கிராம் எடை இருக்கும். இதில் பொட்டாசியம், இரும்பு, துத்தநாகம் மற்றும் வைட்டமின் ஈ நிறைந்துள்ளது. இது சுமார் 55 கலோரிகளையும் 5.25 கிராம் புரதத்தையும் வழங்குகிறது. சில சமயம் குழந்தைகள் முட்டையை அப்படியே வேகவைத்து கொடுத்தால் சாப்பிட மாட்டார்கள். அவர்களுக்கு சற்று வித்தியாசமாக ஏதாவது செய்து கொடுத்தால் தான் சாப்பிடுவார்கள். அந்த சமயத்தில் நாம் சற்று வித்தியாசமாக இந்த நெய் முட்டை மசாலா செய்து கொடுக்கலாம்.
இந்த நெய் முட்டை மசாலா சப்பாத்தி, பூரி போன்றவற்றுடன் சேர்த்து சாப்பிட அருமையாக இருக்கும். அதுமட்டுமல்லாமல் தயிர் சாதம், புளி சாதம், தக்காளி சாதம், தயிர் சாதம், வெஜிடபிள் பிரியாணி, ரசம் சாதம், பருப்பு சாதம் ஆகியவற்றிற்கும் சைட் டிஷ்ஷா வச்சு சாப்பிடலாம் அவ்வளவு சூப்பரா இருக்கும். சாம்பார் சாதம் செஞ்சா கூட அதுக்கும் சைடு டிஷ்ஷாக வைத்து சாப்பிடலாம். டேஸ்ட் ரொம்ப ரொம்ப அட்டகாசமா இருக்கும். இது தவிர, இந்த மசாலா செய்வதற்கு மிகவும் சுலபமாகவும் இருக்கும். ஒருமுறை இந்த மாதிரி முட்டை மசாலா செய்தால், பின் எப்போதும் இந்த ஸ்டைலில் தான் செய்ய சொல்லி வீட்டில் உள்ளோர் கேட்பார்கள். அந்த அளவில் ருசியாக இருக்கும்.
இதனையும் படியுங்கள் : முட்டை மலாய் மசாலா இந்த மாதிரி ஒரு தடவை செஞ்சு பாருங்க!
Ingredients
Method
முதலில் முட்டையை வேகவைத்து அதன் தோலை உரித்து, முட்டையில் நான்கு கீறல் போட்டு வைத்துக் கொள்ளவும்.
பின் ஒரு பவுளில் உப்பு, மஞ்சள் தூள், காஷ்மீர் மிளகாய் தூள் சேர்த்து நன்கு கலந்து அதனில் முட்டையை நன்கு பிரட்டி வைத்துக் கொள்ளவும்.
ஒரு கடாயை அடுப்பில் வைத்து அதில் அரைக்க கொடுத்துள்ள பொருட்களை சேர்த்து நன்கு வறுத்து, விழுதாக அரைத்து எடுத்துக் கொள்ளவும்.
ஒரு கடாயை அடுப்பில் வைத்து நெய் ஊற்றி காய்ந்ததும் வெங்காயம் சேர்த்து நன்கு வதக்கவும். வெங்காயம் வதங்கியதும் அரைத்து வைத்துள்ள மசாலாவை சேர்த்து நன்கு வதக்கவும்.
அதன்பிறகு தக்காளி, உப்பு, வெல்லம் சேர்த்து இரண்டு நிமிடங்கள் வதக்கவும். பின்பு முட்டையை சேர்த்து இரண்டு நிமிடங்கள் மூடி வைத்து வேக விடவும்.
பின் கொத்தமல்லி, கறிவேப்பிலை சிறிது தூவி முட்டை உடையாமல் கலந்து இறக்கவும். அவ்வளவுதான் சுவையான நெய் முட்டை மசாலா தயார்.
