ஹைதராபாத் ஸ்டைலில் பிரியாணிக்கு ஏற்ற தால்சா ஒரு முறை இப்படி மட்டும் செய்து பாருங்கள் இதன் ருசிக்கு மயங்கி விடுவீர்கள்!!

Ingredients

• 1/4 கப் கடலை பருப்பு
• 1/4 கப் துவரம் பருப்பு
• 1/4 கப் பாசிப்பருப்பு
• 2 பெரிய வெங்காயம்
• 2 தக்காளி
• 2 பச்சை மிளகாய்
• புதினா, கொத்தமல்லி (சிறிதளவு)
• 1/4 டீஸ்பூன் மஞ்சள் தூள்
• உப்பு (தேவையான அளவு)
• எண்ணெய் (தேவையான அளவு)
• 3 வர மிளகாய்
• 2 பட்டை, கிராம்பு, ஏலக்காய்
• 1/2 டீஸ்பூன் மிளகு
• 1 டீஸ்பூன் இஞ்சி பூண்டு விழுது
• 1 டீஸ்பூன் மிளகாய்த்தூள்
• 1 டீஸ்பூன் சீரகத்தூள்
• 1 டீஸ்பூன் மல்லி தூள்
• 1 டீஸ்பூன் கரம் மசாலா தூள்
• 1 சுரைக்காய்
• 1/4 கப் புளி தண்ணீர்
• கஸ்தூரி மேத்தி (சிறிதளவு)

Method

1. முதலில் ஒரு குக்கரில் கடலை பருப்பு, துவரம் பருப்பு, பாசிப்பருப்பு, 1 நறுக்கிய பெரிய வெங்காயம், தக்காளி, மஞ்சள் தூள், பச்சை மிளகாய், கொத்தமல்லி, புதினா சேர்த்து தேவையான அளவு தண்ணீர் விட்டு நான்கு விசில் விட்டு வேகவைத்து எடுத்துக் கொள்ளவும்.

2. ஒரு கடாயை அடுப்பில் வைத்து எண்ணெய் ஊற்றி காய்ந்ததும் பட்டை, கிராம்பு, ஏலக்காய், மிளகு, வர மிளகாய் சேர்த்து பொரிந்ததும், வெங்காயம் சேர்த்து நன்கு வதக்கவும்.

3. வெங்காயம் வதங்கியதும் தக்காளி மற்றும் இஞ்சி பூண்டு விழுது சேர்த்து நன்கு வதக்கவும். அதன்பிறகு மஞ்சள் தூள், மிளகாய் தூள், கரம் மசாலா தூள், சீரகத்தூள், மல்லி தூள் சேர்த்து எண்ணெய் பிரியும் வரை வதக்கவும்.

4. பின் நறுக்கிய வைத்துள்ள சுரைக்காய் சேர்த்து சிறிதளவு தண்ணீர் விட்டு மூடி வைத்து வேக விடவும். அதன்பிறகு வேக வைத்துள்ள பருப்பை சேர்த்து, அதனுடன் புளி கரைசல், உப்பு மற்றும் தண்ணீர் விட்டு மூடி வைத்து நன்கு வேக விடவும்.

5. இது நன்கு வெந்து கொதித்து வந்ததும் கொத்தமல்லி மற்றும் கஸ்தூரி மேத்தி சேர்த்து இறக்கவும். அவ்வளவுதான் சுவையான ஹைதராபாத் ஸ்டைல் தல்சா தயார்.