இதுவரை எத்தனையோ பிரியாணி செய்திருப்பீர்கள் ஆனால் மலபார் ஸ்டைலில் மீன் பிரியாணி செய்ததுண்டா? இல்லையெனில் ஒரு முறை செய்து பாருங்கள்!!

Ingredients

• 1/2 கி மீன்
• 3/4 கப் பெரிய வெங்காயம்
• 1/2 கப் தக்காளி
• 1 டீஸ்பூன் இஞ்சி பூண்டு விழுது
• 1 டீஸ்பூன் மிளகாய்த்தூள்
• 1 டீஸ்பூன் தனியா தூள்
• 1/2 டீஸ்பூன் மஞ்சள் தூள்
• 1/2 டீஸ்பூன் கரம் மசாலா தூள்
• 1/2 கப் தயிர்
• 1 கப் புதினா
• 1 கப் கொத்தமல்லி
• 2 டீஸ்பூன் எலுமிச்சை சாறு
• 2 கப் பாசுமதி அரிசி
• உப்பு (தேவையான அளவு)
• எண்ணெய் (தேவையான அளவு)
• 3 பச்சை மிளகாய்
• 2 பட்டை, கிராம்பு, ஏலக்காய்
• 2 பிரியாணி இலை

Method

1. முதலில் மீனை நன்கு மஞ்சள் தூள் மற்றும் உப்பு சேர்த்து நன்கு அலசி சற்று பெரிய துண்டுகளாக நறுக்கி வைத்துக் கொள்ளவும்.

2. பின் மீனில் நன்றாக இஞ்சி பூண்டு விழுது, உப்பு, எலுமிச்சை சாறு, மிளகாய்த்தூள், தனியாத்தூள் சேர்த்து நன்கு கலந்து ஊற விடவும்.

3. பின் ஒரு தவாவை அடுப்பில் வைத்து எண்ணெய் ஊற்றி காய்ந்ததும் மீனை சேர்த்து முக்கால் பாகம் வரை வேக வைத்து எடுத்துக் கொள்ளவும்.

4. பின் அரிசியை நன்கு கழுவி விட்டு அரை மணி நேரம் வரை ஊற வைத்துக் கொள்ளவும்.‌

5. பின் ஒரு பாத்திரத்தை அடுப்பில் வைத்து தேவையான அளவு தண்ணீர் சேர்த்து அதில் பட்டை, இலவங்கம், ஏலக்காய், பிரியாணி இலை, உப்பு சேர்த்து கொதிக்க விடவும்.

6. பின் அதில் ஊற வைத்த அரிசியை சேர்த்து முக்கால் பாகம் வெந்ததும் சாதத்தை வடித்து தனியாக எடுத்து வைத்து கொள்ளவும்.

7. பின் ஒரு பாத்திரத்தை அடுப்பில் வைத்து எண்ணெய் விட்டு காய்ந்ததும் பட்டை, இலவங்கம், ஏலக்காய், பிரியாணி இலை சேர்த்து வதக்கவும். பின் வெங்காயம் சேர்த்து வதக்கவும்.

8. வெங்காயம் நன்கு வதங்கியதும் இஞ்சி பூண்டு விழுது சேர்த்து பச்சை வாசனை போக வதக்கவும். பின் தக்காளி, பச்சை மிளகாய் மற்றும் உப்பு சேர்த்து தக்காளி மசியும் வரை வதக்கவும்.

9. பின் தயிர், மிளகாய்த்தூள், மஞ்சள் தூள், கரம் மசாலா, தனியா தூள், புதினா, கொத்தமல்லி சேர்த்து நன்கு வதக்கவும்.

10. பின் தேவையான அளவு தண்ணீர் விட்டு கொதிக்க விடவும். எண்ணெய் பிரிந்து வந்ததும் வேக வைத்த அரிசியை பாதியளவு போட்டு அதன் நடுவில் மீன் மற்றும் புதினா கொத்தமல்லி இலைகளை தூவவும்.‌ இப்படி இரண்டு முறை செய்யவும்.

11. பின் பாத்திரத்தை மூடி தம் போட்டு, குறைந்த தீயில் வைத்து 15 நிமிடங்கள் கழித்து அடுப்பை அணைத்து விடவும். அவ்வளவுதான் சுவையான மலபார் மீன் பிரியாணி தயார்.‌