கோடைக்காலம் துவங்கி வெயில் வாட்டி வதைத்து வருகிறது. எனவே, உடல் ஆரோக்கியத்தில் கவனம் செலுத்த வேண்டியது அவசியம். எனவே, கோடைக்காலத்தில் உடலை குளிர்ச்சியாகவும் நீரோற்றமாகவும் வைத்துக்கொள்ள வேண்டியது அவசியம். அந்தவகையில், கோடைக்காலத்தில் புத்துணர்ச்சி தரும் பானம் ஒன்றை பற்றி பார்க்கலாம். கோடை காலங்களில் லஸ்ஸிக்கான மவுசே தனி. அப்படி ஓர் ஆனந்தம், மனதுக்கு உற்சாகம், இதம் அத்தனையும் தரும். நம் சுவை நரம்புகளைத் தூண்டி நம்மை மெய்மறக்கச் செய்யும் சக்தி இதற்கு உண்டு.
லஸ்ஸி வெறும் தாகம் தீர்க்கும் பானம்; உடனடி சக்தியையும் உற்சாகத்தையும் கொடுக்கும் பானம். அவ்வளவுதானா? இல்லை. அதோடு, பல மருத்துவப் பயன்களையும் தரக்கூடியது. இந்தியா முழுவதும் ஒரு பிரபலமான பானமாக லஸ்ஸி உள்ளது. மேலும் இது ஆரோக்கியமான புத்துணர்ச்சி ஏற்படுத்தும் பானமாக உள்ளது. இந்த பாரம்பரிய பானமானது உங்கள் உடல் ஆரோக்கியத்திற்கு நன்மை பயக்க கூடிய ஊட்டச்சத்துக்கள் மற்றும் வைட்டமின்கள் நிறைந்த பானமாக உள்ளது.
தயிரை கொண்டு தயாரிக்கப்படும் லஸ்ஸியானது செரிமான சக்திக்கு மிகவும் பயனுள்ளதாக இருக்கிறது. இது வயிற்றில் உள்ள நல்ல பாக்டீரியாக்களுக்கு உதவுகிறது. லஸ்ஸியில் உள்ள ஊட்டச்சத்துகள் செரிமானத்துக்கு தேவையான என்சைம்களை அதிகரித்து, செரிமானத்துக்கு உதவும். உடலின் ஜீரண சக்தியை பலப்படுத்தும். சரி, இந்த பதிவில் சுவையான மாம்பழ லஸ்ஸி எப்படி செய்வதென்று பார்க்கலாம்.
மாம்பழ லஸ்ஸி | Mango Lassi Recipe In Tamil
Equipment
- 1 பவுள்
- 1 மிக்ஸி
- 1 கண்ணாடி டம்ளர்
தேவையான பொருட்கள்
- 2 மாம்பழம்
- 1/4 கப் தயிர்
- 1 டீஸ்பூன் ஏலக்காய் தூள்
- 1/4 கப் சர்க்கரை
- 5 டேபிள் ஸ்பூன் பால்
- நட்ஸ் தேவையான அளவு
- 1/2 டீஸ்பூன் குங்குமப் பூ
- ஐஸ் கட்டிகள் தேவையான அளவு
செய்முறை
- முதலில் மாம்பழத்தை நன்கு கழுவி விட்டு தோல் நீக்கி துண்டுகளாக நறுக்கி வைத்துக் கொள்ளவும்.
- ஒரு மிக்ஸி ஜாரில் மாம்பழம், பால், சர்க்கரை சேர்த்து நன்கு அரைத்து வடிகட்டி வைத்துக் கொள்ளவும்.
- பின் ஒரு மிக்ஸி ஜாரில் தயிர், ஏலக்காய் தூள் சேர்த்து அரைத்து கொள்ளவும். பின் இதனை ஒரு பவுளுக்கு மாற்றி அதனுடன் குங்குமப் பூ, மாம்பழ விழுது சேர்த்து நன்கு கலந்து விடவும்.
- பின் இதனை ஒரு கண்ணாடி டம்ளரில் ஊற்றி அதன் மேல் நறுக்கி நட்ஸ், ஐஸ் கட்டிகள் மற்றும் குங்குமப் பூ சேர்த்து பரிமாறவும். அவ்வளவுதான் சுவையான மற்றும் ஆரோக்கியமான மாம்பழ லஸ்ஸி தயார்.
Nutrition
இதனையும் படியுங்கள் : வாயில் வைத்ததும் கரைந்தோடும் சுவையில் மாம்பழ மைசூர் பாக் இப்படி ட்ரை பண்ணி பாருங்கள்..!