சிறுதானியங்கள் வைத்து சுவையான சாம்பார் சாதம் மதிய உணவிற்கு இப்படி ஒரு முறை செய்து ருசித்து பாருங்கள்!!

Ingredients

• 1/4 கப் சாமை
• 1/4 கப் தினை
• 1/4 கப் குதிரைவாலி
• 1/2 கப் துவரம் பருப்பு
• 1/4 கப் நறுக்கிய கேரட், பீன்ஸ், உருளைக்கிழங்கு
• 1/4 கப் பச்சை பட்டாணி
• 1/2 டீஸ்பூன் கடுகு
• 1/4 டீஸ்பூன் சீரகம்
• 1/4 டீஸ்பூன் பெருங்காயத்தூள்
• 1 கொத்து கறிவேப்பிலை
• 1 கப் சின்ன வெங்காயம்
• 1/2 டீஸ்பூன் மஞ்சள் தூள்
• 1/2 கப் புளி தண்ணீர்
• கொத்தமல்லி (சிறிதளவு)
• முந்திரி பருப்பு (சிறிதளவு)
• 1 டீஸ்பூன் கடலை பருப்பு
• 1 டீஸ்பூன் தனியா
• 1 டீஸ்பூன் உளுந்தம் பருப்பு
• 1 டீஸ்பூன் சீரகம்
• 1/4 டீஸ்பூன் வெந்தயம்
• 6 காய்ந்த மிளகாய்
• 1/4 கப் தேங்காய் துருவல்

Method

1. முதலில் ஒரு பவுளில் சாமை, தினை, குதிரைவாலி மற்றும் துவரம் பருப்பை அரை மணி நேரம் வரை ஊற வைத்து கொள்ளவும்.

2. ஒரு கடாயை அடுப்பில் வைத்து அரைக்க கொடுத்துள்ள பொருட்களை சேர்த்து வறுத்து மிக்ஸியில் சேர்த்து நன்கு அரைத்து எடுத்துக் கொள்ளவும்.

3. பின் ஊற வைத்துள்ள பருப்பு மற்றும் தானியங்களை ஒரு குக்கரில் சேர்த்து தேவையான அளவு தண்ணீர் மற்றும் மஞ்சள் தூள் சேர்த்து வேகவைத்து எடுத்துக் கொள்ளவும்.‌

4. ஒரு கடாயை அடுப்பில் வைத்து நெய் சேர்த்து நன்கு சூடானதும் கடுகு, கறிவேப்பிலை, சீரகம் சேர்த்து பொரிந்ததும் வெங்காயம் சேர்த்து வதக்கவும். பின் கேரட், பீன்ஸ், பச்சை பட்டாணி, உருளைக்கிழங்கு ஆகியவற்றை சேர்த்து வதக்கவும்.

5. பின் மஞ்சள் தூள், பெருங்காயத்தூள், உப்பு, புளி தண்ணீர், நாம் அரைத்து வைத்துள்ள மசாலா மற்றும் தேவையான அளவு தண்ணீர் விட்டு மூடி வைத்து வேக விடவும்.

6. பின் வேகவைத்துள்ள பருப்பை காய்கறிகளுடன் சேர்த்து நன்கு கலந்து மூடி வைத்து வேக விடவும். பின் சிறிது நேரம் கழித்து கொத்தமல்லி, நெய் மற்றும் வறுத்து முந்திரி சேர்த்து கலந்து இறக்கவும். அவ்வளவுதான் சுவையான மில்லட் சாம்பார் சாதம் தயார்.