சாப்பாத்தி பரோட்டா இட்லி தோசைக்கு ஏத்த சூப்பரான மிட்டா சால்னா இப்படி ஒருமுறை செய்து பாருங்கள்!!!

Ingredients

• 1 கேரட்
• 1 உருளைக்கிழங்கு
• 1 கப் பீன்ஸ்
• 1 கப் காலிஃப்ளவர்
• 1 வெங்காயம்
• 1 தக்காளி
• 1/4 ஸ்பூன் மஞ்சள் தூள்
• 1 ஸ்பூன் மிளகாய் தூள்
• 1 ஸ்பூன் மல்லி தூள்
• 1 ஸ்பூன் இஞ்சி பூண்டு விழுது
• 1 கைப்பிடி புதினா
• 1 பட்டை
• 2 கிராம்பு
• 1 ஏலக்காய்
• 1 பிரியாணி இலை
• 1/4 கப் தேங்காய் துருவல்
• 5 முந்திரி பருப்பு
• 1 கைப்பிடி கொத்தமல்லி
• 1 கொத்து கறிவேப்பிலை
• உப்பு (தேவையான அளவு)
• எண்ணெய் (தேவையான அளவு)

Method

1. முதலில் காய்கறிகளை கழுவி சுத்தம் செய்து நறுக்கி எடுத்து வைத்துக் கொள்ள வேண்டும்.

2. பிறகு மிக்ஸி ஜாரில் தேங்காய் துருவல், முந்திரி பருப்பு சேர்த்து நைசாக அரைத்து எடுத்துக் கொள்ள வேண்டும். பிறகு அடுப்பில் ஒரு குக்கரை வைத்து எண்ணெய் ஊற்றி காய்ந்ததும் அதில் பட்டை, கிராம்பு, ஏலக்காய் , பிரியாணி இலையை சேர்த்து தாளிக்கவும்.

3. பிறகு அதில் நீளவாக்கில் பொடியாக நறுக்கிய வெங்காயம் சேர்த்து நன்றாக வதக்கி விட வேண்டும். பின்புபொடியாக நறுக்கிய தக்காளி, கறிவேப்பிலை சேர்த்து நன்றாக கலந்து விட வேண்டும்.

4. பிறகு இதில் மஞ்சள் தூள், மிளகாய் தூள், மல்லி தூள் சேர்த்து நன்றாக கலந்து விட வேண்டும். பிறகுஅதில் கொத்தமல்லி தழைகள் புதினா இலைகள் , தேவையான அளவு உப்பு சேர்த்து நன்றாக வதக்கி விட வேண்டும்.

5. பிறகு அதில் சுத்தம் செய்து நறுக்கி எடுத்து வைத்துள்ள கேரட் , பீன்ஸ், உருளைக்கிழங்கு, காலிஃப்ளவர் சேர்த்து கலந்து விட வேண்டும். காய்கறிகள் நன்றாக வேகுவதற்கு தேவையான அளவு தண்ணீரை சேர்த்து கொதிக்கவிடவும்.

6. பின்பு அதில் அரைத்து வைத்துள்ள தேங்காய்சேர்த்து நன்றாககலந்து விடவும் . கொதித்துவரும் நேரத்தில் குக்கரை மூடி இரண்டு விசில் வைத்து இறக்கவும். நன்றாக காய்கறிகள் வெந்து இறக்கினால் சுவையான மிட்டா வெஜிடபிள் சால்னா தயார்.