நாவில் எச்சி ஊறும் முந்திரி சிக்கன் வறுவல் செய்வது எப்படி ?

Ingredients

• ¼ கிலோ சிக்கன்
• 1 ஸ்பூன் இஞ்சி பூண்டு பேஸ்ட்
• 1 ஸ்பூன் மிளகாய்த்தூள்
• 1 ஸ்பூன் மல்லித்தூள்
• கறிவேப்பிலை (சிறிதளவு)
• 3 காய்ந்த மிளகாய்
• 10 முந்திரி
• 1 ஸ்பூன் மிளகுத்தூள்
• 1 வெங்காயம் (பொடியாக நறுக்கியது)
• 1 தக்காளி (பொடியாக நறுக்கியது)
• கொத்தமல்லி (நறுக்கியது கொஞ்சம்)
• 3 ஸ்பூன் எண்ணெய்
• பட்டை, கிராம்பு, ஏலக்காய் (சிறிதளவு)
• உப்பு (தேவைக்கேற்ப)

Method

1. முதலில் ஒரு வாணலியை அடுப்பில் வைத்து எண்ணெய் ஊற்றி எண்ணெய் காய்ந்ததும் பட்டை, கிராம்பு, ஏலக்காய், காய்ந்த மிளகாய், சேர்த்து தாளிக்கவும்.

2. இதனுடன் பொடியாக நறுக்கிய வெங்காயம், இஞ்சி பூண்டு விழுது தக்காளி, சிக்கன் துண்டுகளை சேர்த்து நன்கு வதக்கவும்.

3. பிறகு மிளகாய் தூள், மல்லி தூள், தேவையான அளவு உப்பு சேர்த்து சிறிதளவு தண்ணீர்விட்டு வேக விடவும்.

4. சிக்கன் துண்டுகள் நன்கு வெந்ததும், தண்ணீர் வற்றிய பின் முந்திரி, கறிவேப்பிலை, மிளகுத்தூள் சேர்த்துக் கலந்து இறக்கவும்.

5. பிறகு அதன் மேல் கொத்தமல்லி இலைகளை தூவி விடவும். இபொழுது சுவையான முந்திரி சிக்கன் வறுவல் ரெடி.