ருசியான மட்டன் கோலா உருண்டை குழம்பு வார இறுதியில் இப்படி ஒரு முறை செய்து பாருங்கள்!!

Ingredients

• 1/4 கி மட்டன்
• 1/4 கப் தேங்காய் துருவல்
• 3 டேபிள் ஸ்பூன் பொட்டுக்கடலை
• 1/2 டீஸ்பூன் சோம்பு
• 8 சின்ன வெங்காயம்
• 5 பல் பூண்டு
• 1 டேபிள் ஸ்பூன் காஷ்மீர் மிளகாய்த்தூள்
• 1 கொத்து கறிவேப்பிலை
• 1 பட்டை
• உப்பு (தேவையான அளவு)
• 1/4 டீஸ்பூன் வெந்தயம்
• 2 பெரிய வெங்காயம்
• 1 தக்காளி
• 1/2 டீஸ்பூன் மஞ்சள் தூள்
• 1 டேபிள் ஸ்பூன் குழம்பு மிளகாய்த்தூள்
• 1/4 கப் தேங்காய்
• 1 டீஸ்பூன் கசகசா
• 1/2 டீஸ்பூன் சோம்பு
• 10 முந்திரி பருப்பு

Method

1. முதலில் மட்டன், தேங்காய் துருவல், பொட்டுக்கடலை, சோம்பு, சின்ன வெங்காயம், பூண்டு, மிளகாய்த்தூள், கறிவேப்பிலை, உப்பு, பட்டை ஆகியவற்றை மிக்ஸியில் சேர்த்து நன்கு அரைத்து எடுத்துக் கொள்ளவும்.

2. பின் இதனை ஒரு பவுளுக்கு மாற்றி அதனுடன் கொத்தமல்லி மற்றும் சிறிதளவு எண்ணெய் சேர்த்து நன்கு பிசைந்து உருண்டைகளாக உருட்டி வைத்துக் கொள்ளவும்.

3. பின் அரைக்க கொடுத்துள்ள பொருட்களை மிக்ஸியில் சேர்த்து சிறிதளவு தண்ணீர் விட்டு நன்கு அரைத்து எடுத்துக் கொள்ளவும்.

4. ஒரு அடி கனமான பாத்திரத்தை அடுப்பில் வைத்து எண்ணெய் ஊற்றி காய்ந்ததும் வெந்தயம், கடுகு, கறிவேப்பிலை சேர்த்து அதனுடன் வெங்காயம் சேர்த்து நன்கு வதக்கவும்.

5. வெங்காயம் நன்கு வதங்கியதும் தக்காளி சேர்த்து வதக்கவும். பின் மஞ்சள் தூள், மிளகாய் தூள் சேர்த்து வதக்கி நாம் அரைத்து வைத்துள்ள மசாலாவை சேர்த்து தேவையான அளவு உப்பு மற்றும் தண்ணீர் சேர்த்து கொதிக்க விடவும்.

6. அதன்பிறகு குழம்பு நன்கு கொதித்ததும் நாம் செய்து வைத்துள்ள மட்டன் உருண்டைகளை சேர்த்து மூடி வைத்து வேக விடவும்.

7. பின் மட்டன் உருண்டைகள் நன்கு வெந்து வந்ததும் கொத்தமல்லி தழை தூவி இறக்கவும். அவ்வளவுதான் சுவையான மட்டன் கோலா உருண்டை குழம்பு தயார்.‌