எவ்வளவு செய்தாலும் காலியாகும் அடுத்தமுறை சிக்கன் வாங்கி கறிவேப்பிலை சிக்கன் ப்ரை இப்படி செய்து பாருங்க!

Ingredients

• 250 கிராம் சிக்கன்
• எண்ணெய் (பொரிப்பதற்கு தேவையான அளவு)
• 1 கட்டு கறிவேப்பிலை
• 2 பச்சை மிளகாய் (நீள துண்டுகளாக்கிக் கொள்ளவும்)
• 1 டேபிள்ஸ்பூன் எலுமிச்சை சாறு
• 2 டீஸ்பூன் மிளகாய் தூள்
• 2 டீஸ்பூன் மல்லித் தூள்
• 2 டீஸ்பூன் மிளகுத் தூள்
• உப்பு (தேவையானஅளவு)
• 1/4 டீஸ்பூன் மஞ்சள்தூள்
• 2 டீஸ்பூன் இஞ்சி பூண்டு பேஸ்ட்

Method

1. முதலில் ஒரு பெளலில் சிக்கனைப் போட்டு, அத்துடன் மிளகாய் தூள், உப்பு, இஞ்சி பூண்டு பேஸ்ட், மல்லித் தூள், மிளகுத் தூள் தலா ஒரு ஸ்பூன் சேர்த்து, அரை ஸ்பூன் மஞ்சள் தூள், சேர்த்து பிரட்டி 6 மணிநேரம் ஃப்ட்ரிட்ஸில் வைத்து ஊற வைக்கவும்.

2. பின்னர் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், சிக்கன் துண்டுகளைப் போட்டு பொன்னிறமாக பொரித்து பேப்பர் டவலில் வைத்துக் கொள்ளவும்.

3. பின்பு அதே எண்ணெயில் கறிவேப்பிலை மற்றும் பச்சை மிளகாயை மொறுமொறுவென்று பொரித்து, பேப்பர் டவலில் வைத்துக் கொள்ளவும். பின் பச்சை மிளகாயை தனியாக பிரித்து வைத்து, கறிவேப்பிலையை மட்டும் கையால் நொறுக்கி விட வேண்டும்.

4. பிறகு மற்றொரு வாணலியை அடுப்பில் வைத்து, அதில் 1 டேபிள் ஸ்பூன் எண்ணெய் ஊற்றி காய்ந்ததும், சிக்கன் துண்டுகள், கறிவேப்பிலை மற்றும் பச்சை மிளகாய் சேர்த்து, தோடு சிறிது மிளகாய் தூள், மல்லித் தூள் சேர்த்து 3-4 நிமிடம் நன்கு பிரட்டி, எலுமிச்சை சாறு சேர்த்து கிளறி இறக்கினால், கறிவேப்பிலை சிக்கன் ரெடி