கறி சுவையை மிஞ்சும் பன்னீர் வால்நட் கறி ஈஸியாக இப்படி செய்து பாருங்கள் இதன் சுவைக்கு அடிமையாகிவிடுவீர்கள்!!

Ingredients

• 1 டேபிள் ஸ்பூன் எண்ணெய்
• 1 டீஸ்பூன் நெய்
• 2 பட்டை
• 1 இலவங்கம்
• 1 டீஸ்பூன் சோம்பு
• 1 டீஸ்பூன் சீரகம்
• 3 பெரிய வெங்காயம்
• 5 பல் பூண்டு
• 1 துண்டு இஞ்சி
• 4 பச்சை மிளகாய்
• 1/2 கப் வால்நட்
• 250 கி பன்னீர்
• 1 பெரிய வெங்காயம்
• 1 குடைமிளகாய்
• 2 டேபிள் ஸ்பூன் பட்டர்
• 1 டேபிள் ஸ்பூன் எண்ணெய்
• உப்பு (தேவையான அளவு)
• 1/2 கப் தக்காளி விழுது
• 2 டீஸ்பூன் காஷ்மீர் மிளகாய்த்தூள்
• 1 டீஸ்பூன் மல்லி தூள்
• 1 டீஸ்பூன் கரம் மசாலா தூள்
• 1 டீஸ்பூன் சீரகத்தூள்
• 1 டீஸ்பூன் கஸ்தூரி மேத்தி
• கொத்தமல்லி (சிறிதளவு)

Method

1. முதலில் பன்னீரை துண்டுகளாக நறுக்கி விட்டு ஒரு கடாயில் சேர்த்து பொன்னிறமாக பொரித்து எடுத்துக் கொள்ளவும்.

2. பின் அதே கடாயில் சிறிதளவு எண்ணெய் மற்றும் நெய் விட்டு காய்ந்ததும் பட்டை, இலவங்கம், சோம்பு, சீரகம் சேர்த்து தாளிக்கவும்.

3. பின் பொடியாக நறுக்கிய வெங்காயம், சேர்த்து நன்கு வதக்கி அதனுடன் பூண்டு, இஞ்சி, பச்சை மிளகாய் சேர்த்து நன்கு வதக்கவும்.

4. பின் வால்நட் சேர்த்து வதக்கவும். இவை நன்கு வதங்கியதும் அடுப்பை அணைத்து விட்டு ஆறவிடவும். பின் மிக்ஸி ஜாரில் சேர்த்து சிறிதளவு தண்ணீர் விட்டு நன்கு அரைத்துக் கொள்ளவும்.

5. பின் வெங்காயம், குடமிளகாய் இரண்டையும் பெரிய துண்டுகளாக நறுக்கி விட்டு தனி தனியாக எண்ணெய் விட்டு பொன்னிறமாக வதக்கி எடுத்துக் கொள்ளவும்.

6. ஒரு வாணலியை அடுப்பில் வைத்து பட்டர் சேர்த்து அரைத்து வைத்துள்ள மசாலா மற்றும் தக்காளி விழுது சேர்த்து நன்கு பச்சை வாசனை போக வதக்கவும்.

7. பின் மிளகாய் தூள், மல்லித்தூள், கரம் மசாலா தூள், உப்பு சேர்த்து தேவையான அளவு தண்ணீர் விட்டு கொதிக்க விடவும்.

8. பின் எண்ணெய் பிரிந்து வந்ததும் வதக்கிய வெங்காயம், குடமிளகாய், பன்னீரை சேர்த்து தேவையான அளவு உப்பு சேர்த்து கொதிக்க விடவும். இது நன்கு சுண்டியவுடன் கஸ்தூரி மேதி, கொத்தமல்லி தழை தூவி அடுப்பை அணைத்து விடவும்.

9. அவ்வளவுதான் சுவையான பன்னீர் வால்நட் கறி தயார். இதை சப்பாத்தி, நாணுடன் சேர்த்து சாப்பிடலாம் மிகவும் சுவையாக இருக்கும்.