என்ன தான் மதிய உணவுகளுக்கு குழம்பு, சோறு, கிரேவி என சாப்பிடுவதற்கு தயார் செய்து விட்டாலும் சோறுடன் வைத்து சாப்பிடுவதற்கு கூட்டு, பொரியல் மற்றும் அவியல் என எதாவது ஒரு கூட்டு வைத்திருந்தால் தான் நாம் சாப்பாடை சாப்பிடவே செய்வோம் இல்லையென்றால் அரைகுறையாக சாப்பிட்டுவிட்டு எழுந்து விடுவோம். அதுவும் குழந்தைகள் என்றால் சுத்தமாக கூட்டு இல்லாமல் சாப்பிட மாட்டார்கள்.
இதையும் படியுங்கள் :மதிய உணவுக்கு ஏற்ற தக்காளி கறி கூட்டு செய்வது எப்படி ?
நீங்களும் அடுத்த நாளைக்கு என்ன கூட்டு செய்வது என்று சிந்தித்துக் கொண்டே இருப்பதற்கு பதிலாக வாரத்தில் ஒரு நாள் இது போன்று இந்த பட்டாணி தக்காளி கறி செய்து பாருங்கள் இதன் சுவையும் அட்டகாசமாக இருக்கும். உங்கள் வீட்டில் உள்ள அனைவருக்கும் பிடிக்கும். ஆகையால் இன்று இந்த பட்டாணி தக்காளி கறி கூட்டு எப்படி செய்வது, தேவையான பொருட்கள், செய்முறைகள் என அனைத்து இந்த சமையல் குறித்த தொகுப்பில் நாம் காணலாம் வாருங்கள்.
பச்சை பட்டாணி தக்காளி கறி | Pattani Tomato Curry Recipe in Tamil
Equipment
- 1 கடாய்
- 1 பெரிய பவுள்
தேவையான பொருட்கள்
- 1 கப் பட்டாணி
- 1 கப் தக்காளி சாறு
- ½ tsp சீரகம்
- 3 பச்சை மிளகாய்
- எண்ணெய் தேவையான அளவு
- ½ tsp மஞ்சள் தூள்
- 1 tbsp மிளகாய் தூள்
- 1 tbsp தனியா தூள்
- உப்பு தேவையான அளவு
- தண்ணீர் தேவையான அளவு
- 1 கைப்பிடி கொத்த மல்லி
செய்முறை
- முதலில் ஒரு கடாயை அடுப்பில் வைத்து அதில் தேவையான அளவு எண்ணெய் ஊற்றி எண்ணெய் காய்ந்ததும் பின் இதனுடன் பெருங்காயத்தூள், சீரகம், பச்சை மிளகாய் சேர்த்து வதக்கி கொள்ளவும்.
- பின் இதனுடன் நாம் அரைத்த வைத்த ஒரு கப் அளவு தக்காளி சாற்றை ஊற்றி நன்றாக வதக்கி கொள்ளுங்கள். பின் தக்காளியின் பச்சை வாசனை போகி நன்கு வதக்கி வந்ததும்
- அதன் பின்பு இதனுடன் ஒரு டேபிள் ஸ்பூன் மிளகாய் தூள், ஒரு டேபிள் ஸாபூன் தனியா தூள், அரை டீஸ்பூன் மஞ்சள் தூள் மற்றும் தேவையான அளவு உப்பு சேர்த்து கொள்ளுங்கள்.
- பின்பு தீயை மிதமாக ஏரிய விட்டு பின் கடாயை மூடி வைத்து 3 நிமிடங்கள் நன்கு வேக வைத்து கொள்ளுங்கள். பின்பு கிரேவியை நன்றாக கிளறி விட்டு தேவையான அளவு தண்ணீர் ஊற்றி வேக வைத்து கொள்ளுங்கள்.
- பின்பு கிரேவி நன்றாக கொதித்து வந்ததும் பச்சை பட்டாணியை சேர்த்து ஆறு நிமிடங்கள் நன்கு வேக வைத்து கொள்ளுங்கள். காய்கறிகள் நன்றாக வெந்ததும் கரண்டியால் மசித்து விட்டு சிறிது கொத்தமல்லியை தூவி விடுங்கள். அவ்வளவு தான் சுவையான பட்டாணி கறி தயார்.
