தினமும் குழம்பு, சாதம், சாம்பார், ரசம் என்று ஒரே மாதிரி சாப்பிடுவதை விட கொஞ்சம் வித்தியாசமாக சமைத்து தான் பார்ப்போமே. மிளகு சீரகத்தை வைத்து சீரக சாதம் ரொம்ப ரொம்ப ஈஸியா 10 நிமிஷத்துல, குக்கரில் 2 விசில் வைத்து செய்வது எப்படி என்பதைப் பற்றித்தான் இந்த பதிவின் மூலம் நாம் தெரிந்து கொள்ளப் போகின்றோம். இந்த மிளகு சீரக சாதம் செஞ்சிட்டு சைடிஷா ஒரு நல்ல கிரேவியை வச்சுக்கலாம். இது குழந்தைகளின் லஞ்ச் பாக்ஸ்க்கு ஏற்ற உணவாகும்.
ஒவ்வொரு வாரமும் திங்கட்கிழமை எப்போதுமே பரபரப்பாகவே துவங்கும். இந்நிலையில் திங்கட்கிழமை மதியத்துக்கு எளிமையான முறையில், சீரக சாதம் செய்யலாம். அடிக்கடி மிளகை உணவில் சேர்த்து வந்தால் உடல் ஆரோக்கியமாக இருக்கும் என்று கூறுவார்கள். மிளகு சீரக சாதம் ஒரு ஈஸியான வகையில் செய்து முடிக்கக்கூடிய ஒரு சூப்பரான ரெசிபி. அதிலும் சீரகம் மிகவும் பிடிக்கும் என்பவர்கள், இந்த ரெசிபியை வீட்டில் செய்து சாப்பிட்டால் நன்றாக இருக்கும். இதற்கு மஸ்ரூம் கிரேவி, சிக்கன் கிரேவி, பன்னீர் கிரேவி, மட்டன் கிரேவி, வெஜிடபிள் குருமா, எதனுடன் வேண்டுமென்றாலும் வைத்து சாப்பிடலாம்.
இப்போது அத்தகைய சுவையான மிளகு சீரக சாதத்தை எப்படி செய்யலாம் என்று தெரிந்துக் கொள்ளலாம். இந்த சாதம் உடலுக்கு மிகவும் ஆரோக்கியமானது. சளி பிடித்தவர்களுக்கு, குழந்தைகளுக்கும் இந்த சாதத்தை செய்து கொடுக்கலாம். குழந்தைகள் முதல் பெரியவர்கள் வரை அவர்களுக்கு மதிய உணவாக இந்த சாதத்தை செய்து கொடுத்து பாருங்க மிச்சம் வைக்காமல் சாப்பிடுவார்கள்.
மிளகு சீரக சாதம் | Pepper Jeera Rice Recipe In Tamil
Equipment
- 1 மிக்ஸி
- 1 பவுள்
- 1 குக்கர்
தேவையான பொருட்கள்
- 1 கப் பாசுமதி அரிசி
- 2 டீஸ்பூன் நெய்
- 3 டீஸ்பூன் சீரகம்
- 3 டீஸ்பூன் சீரகம்
- 10 முந்திரி
- கறிவேப்பிலை, கொத்தமல்லி சிறிதளவு
- உப்பு தேவையான அளவு
செய்முறை
- முதலில் பாஸ்மதி அரிசியை நன்கு கழுவி அரை மணி நேரம் வரை ஊற வைத்துக் கொள்ளவும்.
- ஒரு குக்கரை அடுப்பில் வைத்து காய்ந்ததும் நெய் விட்டு காய்ந்ததும் எடுத்து வைத்துள்ள முந்திரி, சீரகம், மிளகு, கறிவேப்பிலை சேர்த்து நன்கு வாசம் வரும் வரை பொரிய விடவும்.
- ஒரு மிக்ஸி ஜாரில் மிளகு, சீரகம் சேர்த்து பொடித்து வைத்துக்கொள்ளவும்.
- பின்பு குக்கரில் ஊற வைத்த அரிசியை தண்ணீர் வடித்து விட்டு சேர்த்து நன்கு கலந்து விடவும்.
- பின் அரிசிக்கு தேவையான அளவு தண்ணீர் சேர்த்து சிறிதளவு கொத்தமல்லி இலை, உப்பு, நாம் பொடித்து வைத்துள்ள மிளகு சீரகம் தூவி குக்கரை மூடி குறைந்த தீயில் இரண்டு விசில் விட்டு இறக்கவும்.
- அவ்வளவுதான் சுவையான மற்றும் ஆரோக்கியமான மிளகு சீரக சாதம் தயார்.
Nutrition
இதனையும் படியுங்கள் : ருசியான மாங்காய் தக்காளி சாதம் இப்படி ஒரு தரம் செய்து பாருங்களேன்! திரும்ப திரும்ப செய்து சாப்பிட தோன்றும்!