இறால்கள் மீது விருப்பம் உள்ளவர்கள் நிறைய பேர் இருப்பார்கள். இறால் மட்டும் என்று கூற இயலாது கடல் சார்ந்த உணவுகளின் மீது விருப்பமுள்ள அசைவ பிரியர்கள் பலர் இங்கு உண்டு. அப்படிப்பட்ட கடல் சார்ந்த உணவுகளில் இறாலும் ஒரு முக்கிய பங்கு வகிக்கிறது. இந்த இறால் உணவுகளில் அதிக அளவு கனிம சத்தும் இருக்கின்றது. இந்த கனிமச்சத்து ரத்தத்தில் ஆக்சிஜன் கலப்பதற்கு அதிக அளவு உபயோகப்படுகிறது.
இறால்கள் உடலில் ரத்தத்தில் ஆக்ஸிஜன் கலப்பதற்கு உதவுகிறது.மூளைக்கு செல்லும் ஆக்சிஜன் அளவு அதிகரிப்பதால் குழந்தைகளுக்கு ஞாபக சக்தி அதிகரிக்கும். இறாலில் அயோடின், ஒமேகா கொழுப்பு அமிலம், கனிம சத்து மற்றும் விட்டமின் டி இருக்கிறது. உடல் எடையை குறைக்க விரும்புபவர்கள் உணவில் அதிகம் சேர்த்துக் கொள்ளலாம் காரணம் இறாலில் கார்போஹைட்ரேட் கிடையாது. இறாலில் அயோடின் அதிகமாக இருப்பதால் இது தைராய்டு சுரப்பை அதிகரிக்கும்.
பருவமடைந்த பெண்கள், கர்ப்பிணி பெண்கள் குழந்தைகளுக்கு இந்த இறால் மிகவும் நல்ல பலனை கொடுக்கின்றது. இறாலில் ஒமேகா 3 கொழுப்பு அமிலம் அதிகமாக இருப்பதால் கொழுப்பினால் ரத்த ஓட்டத்திற்கு எவ்வித பாதிப்பும் வராமல் தடுக்கிறது. ஆகையால் மாரடைப்பு நெஞ்சு வலி போன்றவை தடுக்கப்படுகிறது. இறாலில் இருக்கும் ஹெப்பர் என்ற பொருள் கண் பார்வை சிதைவியிலிருந்து காக்கிறது. மேலும் கண் வலிக்க நிவாரணியாகவும் பயன்படுகின்றது. இறால் தலைமுடி உதிர்வதை தடுக்கிறது.
இறாலில் உள்ள கனிமச்சத்துக்கள் முடி வளர்வது உடலில் தசை வளர்ச்சிக்கும் பெரிதும் பயன்படுகின்றன. இத்தனை சத்துக்கள் அடங்கியுள்ள இறாலை நாம் விதவித உணவுகளாக செய்து சாப்பிடிருப்போம். இன்று நாம் இறாலை மிளகு வறுவல் செய்து சாப்பிட இருக்கிறோம். இந்த இறால் மிளகு வறூவல் மிகவும் சுவையுடையதாக சுலபமாக எப்படி வீட்டில் தயார் செய்வதூ என்பதை தெரிந்து கொள்ள இருக்கிறோம்.
இறால் மிளகு வறுவல் | Prawn Pepper Fry Recipe In Tamil
Equipment
- 1 கடாய்
தேவையான பொருட்கள்
- 12 கிலோ இறால்
- 10 பல் பூண்டு
- 3 பச்சைமிளகாய்
- 2 ஸ்பூன் மிளகுதூள்
- 12 ஸ்பூன் சீரகத்தூள்
- 12 ஸ்பூன் மஞ்சள்தூள்
- 2 ஸ்பூன் தேங்காய் எண்ணெய்
- உப்பு தேவையானஅளவு
- 1 கொத்து கறிவேப்பிலை
- கொத்தமல்லி சிறிதளவு
செய்முறை
- முதலில் இறாலை நன்றாக கழுவி சுத்தம் செய்ய வேண்டும். இப்பொழுது கடைகளிலேயே சுத்தம் செய்து கொடுத்து விடுகிறார்கள். இருந்தாலும் நீரில் போட்டு இறாலை அலசிவிட்டு அதிலிருந்து ஓடுகள் இருந்தால் சுத்தம் செய்து கொள்ள வேண்டும்.
- கழுவி வைத்துள்ள இறாலில்சிறிதளவு மஞ்சள் தூள் சிறிதளவு உப்பு போட்டுபிசறி தனியாக வைத்து விட வேண்டும். ஒரு பத்து நிமிடத்திற்கு பிறகு மஞ்சள்தூள் போட்டு வைத்துள்ள இறாலை அலசி விட வேண்டும்.
- சுத்தம் செய்து வைத்துள்ள இறாலில் சீரகத்தூள், மிளகுத்தூள், உப்பு மஞ்சள் தூள், சேர்த்து நன்றாக பிசறி கொள்ள வேண்டும்.
- அடுப்பில் ஒரு கடாயை வைத்து தேங்காய் எண்ணெய் ஊற்றி சூடானதும் அதில் பொடியாக நறுக்கி வைத்துள்ள பூண்டு, பச்சைமிளகாய், கறிவேப்பிலை சேர்த்து நன்றாக தாளித்துக் கொள்ளவும்.
- இறால் தண்ணீர் விடும் என்பதால் தண்ணீர் சேர்க்க வேண்டாம் இறால் கிளறிவிட்டு மூடி போட்டு வேக வைக்கவும்.
- அவ்வப்போது மூடியை திறந்து நாளை கிளறி விட்டுக் கொண்டிருக்கவும். தண்ணீர் வற்றி இறால் நன்றாக வெந்த பிறகு மேலே கொத்தமல்லி தழைகளை தூவி கிளறி விடவும்.
- அவ்வளவுதான் பரிமாறுவதற்கு சுவையான ருசியான இறால் மிளகு வறுவல் தயார்.
