கிராமத்து ஸ்டைல் ருசியான இறால் பெப்பர் ப்ரை இப்படி செய்து பாருங்களேன்!!

Ingredients

• 1 கப் இறால் (சுத்தபடுத்தியது)
• 2 பெரிய வெங்காயம் (நறுக்கியது)
• 2 தக்காளி (நறுக்கியது)
• 2 tsp இஞ்சி பூண்டு விழுது
• 2 tsp தனியா துள்
• 1 tsp கரம் மசாலா
• 1 tsp சீரகத்துள்
• 1 tsp மிளகாய் தூள்
• 1/2 tsp மஞ்சள் தூள்
• 2 tbsp எண்ணெய்
• 1 tsp கடுகு
• 2 tbsp மிளகு
• உப்பு (தேவையான அளவு)
• கொத்தமல்லி (சிறிது)

Method

1. முதலில் ஒரு மிக்ஸி ஜாரில் இரண்டு டீஸ்பூன் அளவு மிளகு சேர்த்து பொடியாக அரைத்து வைத்துக் கொள்ளவும். பின் கடாயை அடுப்பில் வைத்து அதில் தேவையான அளவு எண்ணெய் ஊற்றவும்.

2. பின் எண்ணெய் காய்ந்ததும் அதில் ஒரு டீஸ்பூன் கடுகு, சேர்த்து தாளிக்கவும். கடுகு நன்கு பொரிந்தவுடன் அதனுடன் வெங்காயம் சேர்த்து வதக்கவும். பின் வெங்காயம் கண்ணாடி பத்திற்கு வதங்கியவுடன் இஞ்சி பூண்டு விழுது சேர்த்து வதக்கவும்.

3. பின் இஞ்சி பூண்டு பச்சை வாடை போனவுடன் நறுக்கிய தக்காளி சேர்த்து வதக்கவும். பின் தக்காளி நன்கு மசிந்து வதங்கியதும்.

4. பின் தனியா தூள், மஞ்சள் தூள், மிளகாய் தூள் சேர்த்து வதக்கவும். நாம் சேர்த்த மசாலா பொருட்கள் நன்கு வதங்கியதும் சுத்தபடுத்திய இறால் சேர்த்து நன்றாக கிளறி விடவும். பின் இதனுடன் தேவையான அளவு தண்ணீர் சேர்த்து இறாலை பத்து நிமிடங்கள் வரை வேக விடவும்

5. பின் இறால் நன்கு வெந்தவுடன் மிளகு தூள், சீரகத் தூள், கரம் மசாலா சேர்த்து 2 நிமிடங்கள் கொதிக்க வைத்து பின் கொத்துமல்லி தூவி இறக்கவும். அவ்வளவு தான் சுவையான இறால் பெப்பர் ப்ரை தயார்.