சுவையான இறால் வாழைக்காய் குழம்பு ஒரு முறை இப்படி செய்து பாருங்கள் பின் இப்படித்தான் செய்வீர்கள்!!!

Ingredients

• 1/2 கி இறால்
• 2 வாழைக்காய்
• 1/2 டீஸ்பூன் வெந்தயம்
• 1 கொத்து கறிவேப்பிலை
• 1 கப் சின்ன வெங்காயம்
• 10 பல் பூண்டு
• 2 தக்காளி
• 1/2 டீஸ்பூன் மஞ்சள் தூள்
• 2 டீஸ்பூன் மிளகாய்த்தூள்
• 1 டீஸ்பூன் மல்லி தூள்
• உப்பு (தேவையான அளவு)
• நல்லெண்ணெய் (தேவையான அளவு)
• 1/4 கப் புளி கரைசல்
• 1/4 கப் தேங்காய்
• 1/2 டீஸ்பூன் சீரகம்
• 1/2 டீஸ்பூன் சோம்பு

Method

1. முதலில் இறாலை நன்கு சுத்தம் செய்து விட்டு அதனுடன் மஞ்சள் தூள், உப்பு, மிளகாய் தூள் சேர்த்து நன்கு பிரட்டி வைத்து கொள்ளவும். வாழைக்காயை தோல் நீக்கி விட்டு துண்டுகளாக நறுக்கி வைத்துக் கொள்ளவும்.

2. ஒரு மிக்ஸி ஜாரில் தக்காளியை சேர்த்து நன்கு அரைத்துக் கொள்ளவும். பின் தேங்காய், சோம்பு, சீரகம் ஆகியவற்றை தனியாக அரைத்து வைத்துக் கொள்ளவும்.

3. பின் ஒரு பவுளில் புளிக்கரைசல், தக்காளி விழுது சேர்த்து கலந்து வைத்துக் கொள்ளவும்.

4. ஒரு கடாயை அடுப்பில் வைத்து எண்ணெய் ஊற்றி சூடானதும் வெந்தயம் சேர்த்து பொன்னிறம் வரும் வரை வறுத்து கொள்ளவும்.

5. பின் கறிவேப்பிலை, வெங்காயம், பொடியாக நறுக்கிய பூண்டு சேர்த்து நன்கு வதக்கவும். வெங்காயம் வதங்கியதும் ஊற வைத்துள்ள இறாலை சேர்த்து இரண்டு நிமிடங்கள் நன்கு வதக்கவும்.

6. பின் மிளகாய் தூள், மல்லி தூள், உப்பு, அரைத்து வைத்துள்ள தேங்காய் மசாலா, புளி கரைசல் மற்றும் தேவையான அளவு தண்ணீர் விட்டு 10 நிமிடங்கள் மூடி வைத்து கொதிக்க விடவும்.

7. குழம்பு நன்கு கொதித்ததும் வாழைக்காய் சேர்த்து 15 நிமிடங்கள் கொதிக்க விட்டு இறக்கவும். அவ்வளவுதான் சுவையான இறால் வாழைக்காய் குழம்பு தயார்.