இட்லி தோசைக்கு பதில் காலையில் சூப்பரான ஸ்டஃப்டு சப்பாத்தி இப்படி செய்து பாருங்கள்!

Ingredients

• 1 கப் கோதுமை மாவு
• 1 கப் கேரட்
• 1 கப் பச்சை பட்டாணி
• 1 கப் உருளைக்கிழங்கு
• 1 கப் குடைமிளகாய்
• 1 வெங்காயம்
• 1 ஸ்பூன் இஞ்சி பூண்டு விழுது
• 1/2 ஸ்பூன் சீரகத்தூள்
• 1 ஸ்பூன் மிளகாய் தூள்
• 1 ஸ்பூன் மல்லித் தூள்
• 1/4 ஸ்பூன் சாட் மசாலா
• 1/2 ஸ்பூன் கருப்பு எள்
• கொத்தமல்லி (சிறிதளவு)
• உப்பு (தேவையான அளவு)
• எண்ணெய் (தேவையான அளவு)

Method

1. முதலில் ஒரு பாத்திரத்தில் கோதுமை மாவை சேர்த்து அதன் தேவையான அளவிற்கு உப்பு சேர்த்து சப்பாத்தி மாவு பதத்திற்கு பிசைந்து எடுத்துக்கொள்ள வேண்டும் மாவு காயாமல் இருக்க சிறிதளவு எண்ணெயை அதன் மேல் தடவி ஊற வைக்க வேண்டும்

2. பின் எடுத்து வைத்துள்ள காய்கறிகளை நன்றாக கழுவி சுத்தம் செய்த பின்னர் சிறு துண்டுகளாக நறுக்கி வைத்துக் கொள்ள வேண்டும் அடுப்பில்ஒரு கடாயை வைத்து எண்ணெய் ஊற்றி காய்ந்ததும் வெங்காயம் சேர்த்து நன்றாக பொன்னிறமாக வதக்கவும்.

3. பின் அதில் கேரட், உருளைக்கிழங்கு, குடைமிளகாய், ஊற வைத்த பட்டாணிசேர்த்து நன்றாக வதக்கவும். அதனுடன் மிளகாய் தூள், மல்லித்தூள், சாட் மசாலா மற்றும் சீரகத்தூள் சேர்த்து நன்றாக கலந்து அதனை வேக வைக்க வேண்டும்.

4. காய்கறிகள் நன்றாக வெந்த பிறகு அதன் மேல் கொத்தமல்லி இலைகளை போட்டு இறக்க வேண்டும்.பிசைந்து வைத்துள்ள மைதா மாவில் இருந்து சிறு சிறு உருண்டைகளாக எடுத்து சப்பாத்திகளாக தேய்த்து கொள்ளவேண்டும்.

5. ஒரு சப்பாத்தி மேல் தயார் செய்து வைத்துள்ள காய்கறி மசாலாவை அதில் வைத்து மேலேமற்றொரு சப்பாத்தியை வைத்து மூடி ரோல் போல உருட்டி கொள்ள வேண்டும்.

6. இவ்வாறு அனைத்து சப்பாத்தியையும் தயார் செய்து வைத்து இட்லி பாத்திரத்தில் வைத்து 10 நிமிடம் வேக வைத்தே எடுத்து கொள்ள வேண்டும்.

7. பிறகு அடுப்பில் ஒரு கடாயை வைத்து எண்ணெய் ஊற்றி காய்ந்ததும் கறிவேப்பிலை, எள் சேர்த்து தாளித்ததும் அதில் வேக வைதது எடுத்துள்ள ஸ்ட்ஃப்டு சப்பாத்தியை சேர்த்து நன்றாக பிரட்டி விட்டு பரிமாறினால் சுவையான ஸ்டஃப்டு சப்பாத்தி தயார்.