- Prep
- 10 min
- Cook
- 10 min
- Total
- 20 min
- Serves
- 5
- Cuisine
- Indian, TAMIL
- Course
- Side Dish
வழக்கமாக சப்பாத்தி, நாண் போன்றவற்றிக்கு நாம் உருளைக்கிழங்கு, பட்டாணி, காலிஃபிளவர் அல்லது வெஜ் குருமா என்று தான் செய்து சாப்பிட்டு இருப்போம். இதனையே மீண்டும் மீண்டும் செய்து சாப்பிட்டு விட்டதா? கொஞ்சம் வித்தியாசமாக எதையாவது செய்து சாப்பிடணும் என்று நினைக்கிறீர்களா? அப்போது இந்த பதிவு உங்களுக்கு தான். இந்த பதிவில் ப்ரோக்கோலியை கொண்டு ரொம்பவே ஈசியாக டேஸ்டியான கிரேவி எப்படி வீட்டிலேயே செய்வது என்பதைப் பற்றி தான் பார்க்கப் போகிறோம். நாம் அனைவருமே ப்ராக்கோலியை மார்கெட்டில் பார்த்திருப்போம்.
நிறைய பேருக்கு ப்ராக்கோலியை எப்படி செய்வதென்று தெரியாமல் இருக்கலாம். ஆனால் ப்ராக்கோலியைக் கொண்டு எளிய முறையில் ஒரு ரெசிபியை செய்யலாம். அது தான் ப்ராக்கோலி கிரேவி. இந்த ப்ராக்கோலி கிரேவி சப்பாத்தி, சாதம் போன்றவற்றுடன் சேர்த்து சாப்பிட அற்புதமாக இருக்கும். இந்த காயில் உடலுக்கு ஆரோக்கியமானவை என்பதால், அடிக்கடி இவற்றை உணவில் சேர்த்து வருவது நல்லது. நீங்கள் உங்கள் உடல் எடையை குறைக்க வேண்டும், அதே நேரம் வயிறு பசியும் அடங்க வேண்டும் என்றால் ப்ரோக்கோலியை உணவில் சேர்த்து கொள்ளுங்கள்.
இதனை சாப்பிடும் பொழுது நீங்கள் அதிகமாக சாப்பிட்டாலும் அதனால் உங்கள் எடை கூடாது ஏனென்றால் அதில் குறைந்த அளவு கலோரிகளை இருக்கும். நம் வயிற்றில் உள்ள செரிமானப் பாதைகளை நன்றாக சுத்தப்படுத்துவதில் ப்ராக்கோலி பெரும் பங்கு வகிக்கிறது. கால்சியம், வைட்டமின் கே இருப்பதால், எலும்புகள் உறுதியாகும். ப்ராக்கோலியில் கால்சியம் சத்து அதிகம் காணப்படுகிறது. ப்ரோக்கோலியை பெரும்பாலும் குழந்தைகள் விரும்பி சாப்பிட மாட்டார்கள். ஆனால் ஒரு முறை இப்படி செய்து கொடுங்கள். மிச்சம் வைக்காமல் சாப்பிடுவார்கள்.
இதனையும் படியுங்கள் : ருசியான ப்ரோக்கோலி டிக்கா இப்படி செய்து பாருங்க! ஆஹா இதன் ருசியே தனி தான்!
Ingredients
Method
முதலில் ப்ரோக்கோலியை சற்று பெரிய துண்டுகளாக வெட்டி தண்ணீரில் போட்டு வைத்துக் கொள்ளவும்.
ஒரு கடாயை அடுப்பில் வைத்து எண்ணெய் ஊற்றி காய்ந்ததும் மிளகாய் தூள், மஞ்சள் தூள் சேர்த்து அதனுடன் ப்ரோக்கோலியை சேர்த்து இரண்டு நிமிடங்கள் பிரட்டி எடுத்துக் கொள்ளவும்.
பின் அதே கடாயில் வெட்டி வைத்துள்ள பெரிய வெங்காயம், தக்காளி சேர்த்து நன்கு வதக்கி ஆற வைத்து மிக்ஸியில் போட்டு அரைத்து எடுத்துக் கொள்ளவும்.
பின் அதே கடாயில் நெய் விட்டு காய்ந்ததும் பட்டை, கிராம்பு, ஏலக்காய், இஞ்சி பூண்டு விழுது சேர்த்து நன்கு வதக்கவும்.
பின் நாம் அரைத்து வைத்துள்ள மசாலாவை சேர்த்து அதனுடன் காஷ்மீர் மிளகாய் தூள், உப்பு, மஞ்சள் தூள், மல்லி தூள், கரம் மசாலா தூள், பிரியாணி மசாலா சேர்த்து நன்கு எண்ணெய் பிரிந்து வரும் வரை வதக்கவும்.
அதன்பிறகு நாம் வறுத்து வைத்துள்ள ப்ரோக்கோலியை சேர்த்து சிறிதளவு தண்ணீர் விட்டு நன்கு கொதித்து எண்ணெய் பிரிந்து வந்ததும் கொத்தமல்லி தழை தூவி இறக்கவும். அவ்வளவு தான் சுவையான ப்ரோக்கோலி கிரேவி தயார்.
