வீடே மணக்க மணக்க ருசியான தேங்காய் பால் குஸ்கா இப்படி செஞ்சி கொடுங்க! கொஞ்சம் கூட மிஞ்சாது!

Ingredients

• 1 கப் பாசுமதி அரிசி
• 3 பெரிய வெங்காயம்
• 2 பச்சை மிளகாய்
• 1/2 கப் புதினா, கொத்தமல்லி
• 3 தக்காளி
• 2 டீஸ்பூன் மிளகாய்த்தூள்
• 1 டீஸ்பூன் கரம் மசாலா தூள்
• 2 டீஸ்பூன் இஞ்சி பூண்டு விழுது
• 10 பீன்ஸ்
• 2 கேரட்
• 1/2 கப் பச்சை பட்டாணி
• உப்பு (தேவையான அளவு)
• கடலை எண்ணெய் (தேவையான அளவு)
• நெய் (தேவையான அளவு)
• 1/2 டீஸ்பூன் சோம்பு
• 2 பட்டை, கிராம்பு, ஏலக்காய்
• 1 பிரியாணி இலை
• 1 மராத்தி மொக்கு, அன்னாச்சி பூ, ஜாதிபத்ரி
• 1 கப் தேங்காய் பால்
• 15 முந்திரி

Method

1. முதலில் பாஸ்மதி அரிசியை நன்கு கழுவி 20 நிமிடங்கள் வரை ஊற வைக்கவும். காய்கறிகளை நறுக்கி வைத்துக் கொள்ளவும்.

2. ஒரு குக்கரை அடுப்பில் வைத்து எண்ணெய் மற்றும் நெய் விட்டு சூடானதும் சோம்பு, பட்டை, கிராம்பு, ஏலக்காய், பிரியாணி இலை, அன்னாச்சி பூ, மராத்தி மொக்கு சேர்த்து வதக்கவும்.

3. பின் நறுக்கிய வெங்காயம், பச்சை மிளகாய் சேர்த்து வதக்கவும். வெங்காயம் வதங்கியதும் இஞ்சி பூண்டு விழுது சேர்த்து வதக்கவும்.

4. பின் நறுக்கி வைத்துள்ள தக்காளி சேர்த்து வதக்கி அதனுடன் புதினா சேர்த்து நன்கு வதக்கவும்.

5. பின் மிளகாய்த்தூள், கரம் மசாலா தூள் சேர்த்து நன்கு வதக்கவும். மசாலாவில் எண்ணெய் பிரிந்து வந்ததும் தயிர் சேர்த்து நன்கு வதக்கவும்.

6. பின் பச்சை பட்டாணி, கேரட், பீன்ஸ் சேர்த்து நன்கு வதக்கவும். அதன்பிறகு ஊறவைத்த அரிசியை கழுவி தண்ணீரை வடிகட்டி சேர்த்து நன்கு கலந்து விடவும்.

7. பின் நெய் விட்டு நன்றாக கிளறி தேங்காய் பால் மற்றும் தேவையான அளவு தண்ணீர் மற்றும் உப்பு சேர்த்து குக்கரை மூடி 3 விசில் விட்டு இறக்கவும்.

8. பின் குக்கரை திறந்து கொத்தமல்லி தழை, நெய் மற்றும் நெய்யில் வறுத்த முந்திரி சேர்த்து கலந்து விடவும். ‌அவ்வளவுதான் சுவையான தேங்காய் பால் குஸ்கா தயார்.