சைவ கறி தோசை ஒரு தடவ இப்படி ட்ரை பண்ணி பாருங்க!

Ingredients

• 1 கப் தோசை மாவு
• உப்பு (தேவையான அளவு)
• எண்ணெய் (தேவையான அளவு)
• 1 டேபிள் ஸ்பூன் கடலை மாவு
• 1 டேபிள் ஸ்பூன் மைதா மாவு
• 2 பெரிய வெங்காயம்
• 2 தக்காளி
• 1 டீஸ்பூன் இஞ்சி பூண்டு விழுது
• 50 கி மீல் மேக்கர்
• 1 டீஸ்பூன் மிளகு தூள்
• 1 டேபிள் ஸ்பூன் மிளகாய்த்தூள்
• 1/2 டீஸ்பூன் தனியா தூள்
• 1/4 டீஸ்பூன் சோம்பு தூள்
• 1/2 டீஸ்பூன் சீரகத்தூள்
• 1/2 டீஸ்பூன் கரம் மசாலா தூள்
• 1/2 டீஸ்பூன் மஞ்சள் தூள்
• 1/2 டீஸ்பூன் பேக்கிங் சோடா
• 1 பட்டை, கிராம்பு, ஏலக்காய்
• கொத்தமல்லி (சிறிதளவு)
• 1 கொத்து கறிவேப்பிலை

Method

1. முதலில் கறி தோசைக்கு ஊற்ற வேண்டிய முட்டைக்கு பதிலாக சைவ முட்டையாக கடலை மாவு மைதா மாவு பேக்கிங் சோடா உப்பு மிளகு தூள் சேர்த்து சிறிதளவு தண்ணீர் சேர்த்து நன்றாக கலந்து வைத்துக் கொள்ளவும்.

2. மீல் மேக்கரை பத்து நிமிடங்கள் சுடுதண்ணீரில் ஊற வைத்து தண்ணீரை பிழிந்து எடுத்து மிக்ஸி ஜாரில் சேர்த்து கொரகொரப்பாக அரைத்து எடுக்கவும்.

3. ஒரு கடாயில் எண்ணெய் சேர்த்து பட்டை கிராம்பு, ஏலக்காய் சோம்பு தூள் கருவேப்பிலை பொடி பொடியாக நறுக்கிய பெரிய வெங்காயம் சேர்த்து நன்றாக வதக்கவும்.

4. வெங்காயம் வதங்கிய பிறகு தக்காளியை சேர்த்து நன்றாக வதக்கிய பிறகு மிளகாய் தூள் மஞ்சள் தூள் கரம் மசாலா, தனியாத்தூள் சீரகத்தூள் தேவையான அளவு உப்பு அனைத்தையும் சேர்த்து நன்றாக கிளறி கொள்ளவும்.

5. லேசாக எண்ணெய் பிரிந்து வந்ததும் அரைத்து வைத்துள்ள மீல்மேக்கரை சேர்த்து நன்றாக பத்து நிமிடத்திற்கு கிளறி அரை டம்ளர் தண்ணீர் சேர்த்து வேக வைக்கவும் அனைத்தும் ஒன்றாக வந்த பிறகு கொத்தமல்லி இலைகள் தூவி இறக்கவும்.

6. ஒரு தோசை கல்லில் ஊத்தப்பம் மாதிரி தோசை ஊற்றி அதன் மேல் கலந்து வைத்துள்ள கடலை மாவு கரைசலை ஊற்றி மாவோடு சேர்த்து நன்றாக கலந்து கொள்ளவும்.

7. பிறகு தயார் செய்து வைத்துள்ள சைவ கறி கலவையை தோசை மேல் வைத்து எண்ணெய் ஊற்றி இரண்டு பக்கமும் நன்றாக வேக வைத்து எடுத்தால் சுவையான சைவ கறி தோசை தயார்.