இன்றைய காலகட்டத்தில் சாப்பிடும் உணவுப் பொருட்களில் உடலுக்கு தேவையான ஊட்டச்சத்து குறைவாகவே கிடைக்கிறது. எனவே உணவில் அதிகம் ஊட்டச்சத்துக்கள் நிறைந்த காய்கறிகளை சேர்த்துக் கொள்ள வேண்டும். குறிப்பாக இரும்புச்சத்து அதிகம் உள்ள உணவுகளை சாப்பிட வேண்டும். உடல் ஆரோக்கியத்திற்கு மிகவும் துணை புரிவது கீரைகள். பொதுவாக கீரைகளில் இரும்புச்சத்து நிறைந்திருக்கும் என்று கூறப்படுகிறது. வாரத்திற்கு இரண்டு அல்லது மூன்று முறையாவது உணவில் கீரையை சேர்த்துக் கொள்ள வேண்டும். வெந்தயக் கீரையில் ஏராளமான வைட்டமின்களும், தாது உப்புகளும் நிறைந்துள்ளன.
ஜீரண சக்தியை அதிகரித்து உடல் சூட்டை குறைத்து, தோல் பிரச்சனைகளை சரி செய்கிறது. மேலும் ஆண்மை பலப்பட ஆண்கள் அடிக்கடி வெந்தயக் கீரை சாப்பிட்டு வருவது மிகவும் நல்லது. வயிற்று பிரச்சனைகள், இடுப்பு வலியால் அவதிபடுபவர்கள் வெந்தயக் கீரையை வாரம் ஒரு முறையாவது சமைத்து சாப்பிடலாம். கீரைக்கூட்டு, கீரை பொரியல், கீரை குழம்பு என்று ஒவ்வொரு நாளும் ஒரு விதத்தில் சமைத்துக் கொள்ளலாம். எப்படி சாப்பிட்டாலும் உடலுக்கு ஆரோக்கியம் தான். ஆனால் நாவிற்கு ருசியாக செய்து கொடுத்தால் தானே நம் வீட்டில் குழந்தைகள் முதல் பெரியவர்கள் வரை சாப்பிடுவார்கள். ஒருமுறை வெந்தய கீரையில் இப்படி குழம்பு வைத்து சுடச்சுட சாதத்தில் இந்தக் குழம்பை போட்டு கொஞ்சமாக நெய் விட்டு பிசைந்து சாப்பிட்டு பாருங்கள். சொல்லும் போதே மணக்க மணக்க வாசம் வீசும். இன்று இந்த குழம்பை செய்வது எப்படி என்று பார்க்கலாம்.
வெந்தய கீரை குழம்பு | Venthaya Keerai Kulambu Recipe In Tamil
Equipment
- 1 மிக்ஸி
- 1 குக்கர்
- 1 பவுள்
- 1 தாளிப்பு கரண்டி
தேவையான பொருட்கள்
- 2 கப் வெந்தயக்கீரை
- 100 கி துவரம் பருப்பு
- 1/2 டீஸ்பூன் மஞ்சள் தூள்
- 3 டீஸ்பூன் சாம்பார் பொடி
- 10 சின்ன வெங்காயம்
- 1 தக்காளி
- 1/2 டீஸ்பூன் சோம்பு
- 3 வர மிளகாய்
- உப்பு தேவையான அளவு
- நல்லெண்ணெய் தேவையான அளவு
- 1/2 டீஸ்பூன் கடுகு
- 1 கொத்து கறிவேப்பிலை
செய்முறை
- முதலில் கீரையை சுத்தம் செய்து நறுக்கி வைத்துக் கொள்ளவும்.
- ஒரு குக்கரில் துவரம்பருப்பு சேர்த்து நன்கு கழுவி தேவையான அளவு தண்ணீர் விட்டு 2 விசில் வேக வைத்துக் கொள்ளவும்.
- பின் மிக்சி ஜாரில் தேங்காய், சோம்பு, வெங்காயம், தக்காளி சேர்த்து நன்கு அரைத்துக் கொள்ளவும்.
- அதன்பிறகு நாம் அரைத்து வைத்துள்ள மசாலாவை வேக வைத்த பருப்புடன் சேர்த்து அதனுடன் சாம்பார் தூள், உப்பு சேர்த்து பச்சை வசம் போகும் வரை கொதிக்க விடவும்.
- பிறகு நாம் நறுக்கி வைத்துள்ள கீரையை சேர்த்து ஒரு கொதி வந்ததும் அடுப்பை அணைத்து விடவும்.
- ஒரு தாளிப்பு கரண்டியை அடுப்பில் வைத்து எண்ணெய் ஊற்றி காய்ந்ததும் கடுகு, வர மிளகாய், கருவேப்பிலை சேர்த்து தாளித்து குழம்பில் சேர்த்து கலந்து விடவும்.
- அவ்வளவுதான் சுவையான மற்றும் ஆரோக்கியமான வெந்தயக்கீரை குழம்பு தயார். சூடான சாதத்துடன் கலந்து சாப்பிட்டால் மிகவும் சுவையாக மிகவும்.
Nutrition
இதனையும் படியுங்கள் : அடுத்தமுறை வல்லாரை கீரை வாங்கினால் ருசியான வல்லாரை கீரை சாதம் இப்படி செஞ்சி பாருங்க! இதன் ருசியே தனி தான்!
