ருசியான கிராமத்து ஸ்டைல் வெண்டைக்காய் கார குழம்பு இப்படி செய்து பாருங்க!!

Ingredients

• 1/4 கிலோ வெண்டைக்காய்
• புளி (எலுமிச்சை)
• 3 டேபிள் ஸ்பூன் எண்ணெய்
• 1/2 டீஸ்பூன் கடுகு
• 1 கொத்து கறிவேப்பிலை
• 1/4 டீஸ்பூன் வெந்தயம்
• 1 பெரிய
• 1 தக்காளி
• 10 சின்ன
• 1 டீஸ்பூன் சீரகம்
• 1/2 மூடி தேங்காய்
• 1 டீஸ்பூன் மிளகாய்த்தூள்
• 1/4 டீஸ்பூன் மஞ்சள்
• உப்பு (தேவையானஅளவு)

Method

1. ஒரு அடுப்பில் கடாயை வைத்து ஒரு ஸ்பூன் எண்ணெய் விட்டு நறுக்கிய வெண்டைக்காய், நறுக்கிய பெரிய வெங்காயம், வெந்தயம் சேர்த்து நன்றாக பொன்னிறமாகும் வரை வதக்கவும்.

2. இதை தனியாக ஒரு பாத்திரத்தில் எடுத்து வைத்துக் கொள்ளவும்.

3. பின்னர் புளியை அரை மணி நேரம் ஊறவைத்து நன்றாக கரைத்துக்கொள்ளவும்.

4. பின் அடுப்பில் அதே கடாயில் புளி கரைசல் சேர்த்து கொதிக்க விடவும். மிளகாய் தூள், மஞ்சள் தூள் இரண்டையும் சேர்த்து கொதிக்கவிடவும்.

5. குழம்பு கொதித்துக் கொண்டிருக்கும்போது அத்துடன் தக்காளியும் சேர்த்து கொதிக்க விடவும்.

6. ஒரு மிக்ஸி ஜாரில் தேங்காய், வெங்காயம், சீரகம் சேர்த்து சிறிது தண்ணீர் ஊற்றி நன்றாக மையாக அரைத்துக் கொள்ளவும்.

7. அரைத்த விழுதை கொதித்துக் கொண்டிருக்கும் புளிக் கரைசலில் சேர்த்து நன்றாக கொதிக்க விடவும். அத்துடன் தேவையான உப்பையும் சேர்த்து கொள்ளவும்.

8. வெண்டைக்காய் குழம்பு கொதித்த பிறகு தான் சேர்க்க வேண்டும் முதலிலேயே சேர்த்து விட்டால் குழம்பு கொழகொழவென்று ஆகிவிடும்.

9. குழம்பின் பச்சை வாசனை போன பிறகு அதில் வெண்டைக்காய் சேர்த்து வேகவிடவும்.

10. வெண்டைக்காய் ஏற்கனவே வதக்கி இருப்பதால் அது பாதி வெந்திருக்கும் அதனால் சிறிது நேரம் வேக விட்டால் போதுமானது.

11. குழம்பு கொதித்து கெட்டியானதும் இறுதியாக கொத்தமல்லி இலை தூவி இறக்கவும்.

12. ஒரு கடாயில் சிறிது எண்ணெய் விட்டு காய்ந்ததும் கடுகு, கருவேப்பிலை தாளித்து குழம்பில் சேர்க்கவும்.

13. இப்போது சூடான சுவையான காரசாரமான கிராமத்து வெண்டைக்காய் கார குழம்பு தயார்.