கோதுமை மாவு இருந்தால் பூ போன்ற இடியாப்பம் இப்படி ஒரு தரம் செய்து பாருங்க அவ்வளவு தான் டிபன் ரெடி!

Ingredients

• 2 cup கோதுமை மாவு
• 1 cup சர்க்கரை
• 1 cup தேங்காய் பூ
• 1 tsp ஏலப்பொடி
• தேவையான அளவு உப்பு
• தேவையான அளவு தண்ணீர்

Method

1. கோதுமை மாவு இடியாப்பம் செய்ய முதலில் இட்லி பாத்திரத்தில் தண்ணீர் ஊற்றி அடுப்பில் வைத்து, கோதுமை மாவை அப்படியே ஒரு துணியில் முடிந்து தண்ணீர் கொதிக்க ஆரம்பித்ததும் இட்லி தட்டில் வைத்து இட்லி அவிப்பதுபோல் அவிக்கவும். சுமார் 20 நிமிடங்களுக்கு அவித்து எடுக்கவும்.

2. அந்த மாவை ஒரு தட்டில் கொட்டி சூடாக இருக்கும்போதே உதிர்த்துவிட்டு உள்ளங்கைகளால் புட்டு மாவு பிசைவது மாதிரி செய்தால் பொலபொலவென மாவு உதிர்ந்துகொள்ளும். தேவையான உப்பை சேர்க்கவும்.

3. இப்போது கை பொறுக்கும் சூட்டில் தண்ணீர் எடுத்துக்கொண்டு சிறிது சிறிதாக மாவில் தெளித்து கெட்டியாக இடியாப்பம் பிழியும் பதத்திற்கு பிசையவும்.

4. ஒரேயடியாக தண்ணீர் ஊற்றி பிசைய வேண்டாம்.மீண்டும் இட்லிப் பாத்திரத்தை அடுப்பில் ஏற்றவும். இடியாப்ப அச்சில் மாவை நிரப்பிக்கொள்ளவும்.

5. தண்ணீர் கொதிக்க ஆரம்பித்ததும் ஒரு இட்லி தட்டில் ஈரத்துணியைப் போட்டு அதில் இடியாப்பத்தை பிழிந்து இட்லி அவிப்பதுபோல் அவித்து எடுக்கவும். சுவையான கோதுமை இடியாப்பம் தயார்.