வாஸ்து சாஸ்திரம் என்பது இயற்கை, கோள்கள் மற்றும் பிற ஆற்றல்களின் ஐந்து கூறுகளை சமநிலைப்படுத்தும் இந்திய திசை அறிவியல் ஆகும். கலை, வானியல் மற்றும் ஜோதிடம் ஆகியவற்றை இணைப்பதன் மூலம் இது யோசனைகள் மற்றும் வழிகாட்டுதல்களை மிகவும் பயனுள்ள வாழ்க்கை இடங்களை உருவாக்க உதவுகிறது.
இது குடியிருப்பாளர்களின் ஆரோக்கியம், நிதி மற்றும் மகிழ்ச்சியை மேம்படுத்தவும் உதவுகிறது.உங்கள் வீடு அல்லது சுற்றுப்புறம் நமது ஒட்டுமொத்த வளர்ச்சிக்கும் செழுமைக்கும் பங்களிக்க வேண்டுமெனில், வீட்டிற்கான வாஸ்து கொள்கைகளை நீங்கள் பின்பற்ற வேண்டும். இந்த வாஸ்து குறிப்புகள் மற்றும் மாற்றங்கள் ஏதேனும் வாஸ்து தோஷத்திலிருந்து விடுபடவும், நீங்கள் வசிக்கும் இடம் உங்களுக்கு சாதகமாக செயல்படுவதையும், எதிராக அல்ல என்பதை உறுதிப்படுத்தவும் உதவும்.
யானை சிலை வீட்டில் வைக்கலாம்?
யானைகள் வாஸ்து, ஜோதிடம் ஆகியவற்றில் நன்கு குறிப்பிடப்படுகின்றன. புராணங்கள் அனைத்திலும் யானை மங்களகரமானதாக விவரிக்கப்பட்டுள்ளது. யானைகள் சக்தி, சகிப்புத்தன்மை, தைரியம், அமைதி, அன்பு மற்றும் பாதுகாப்பைக் குறிக்கின்றன. இந்து நூல்கள் மற்றும் வாஸ்து சாஸ்திரத்தின் படி, வீட்டில் யானை உருவத்தை வைத்திருப்பது மங்களகரமானது.
வாஸ்து படி, யானை சிலையை வீட்டில் வெவ்வேறு இடங்களில் வைக்கலாம். இது வீட்டின் பிரதான நுழைவாயிலின் முன் வைக்கப்பட வேண்டும். பிரதான கதவுக்கு எதிரே உயர்த்தப்பட்ட தும்பிக்கைகளுடன் கூடிய சிலைகளின் ஜோடி அதிர்ஷ்டத்தைத் தரும். வெள்ளை யானை மீது அமர்ந்திருக்கும் கஜலட்சுமி அல்லது லட்சுமி தேவியையும் நுழைவாயிலில் வைக்கலாம்.
யானை சிலைகள் கடைகளில் பல்வேறு வண்ணங்கள் மற்றும் பல்வேறு வடிவில் கிடைக்கின்றன. அவற்றில் உங்களுக்கு எது உங்கள் வீட்டிற்கு சரி என தோன்றுகிறதோ அதை தேர்வு செய்து வாங்கிக் கொள்ளுங்கள். ஆனால் ஒவ்வொரு யானை சிலையின் நிறமும் ஒவ்வொரு ஆற்றலை வீட்டில் வெளிப்படுத்துகின்றன.
சிவப்பு நிற யானை சிலை
சிவப்பு நிற வண்ணம் என்பது நம்மில் பலருக்கும் பிடித்த நிறம் ஆகும். இந்நிறத்தில் உள்ள யானை சிலை மற்றும் யானை போட்டோ போன்றவற்றை நாம் வீட்டில் வாங்கி வைத்தால் அது செல்வம் மற்றும் புகழ் ஆகியவற்றை நமக்கு வாரி வழங்கும். இந்த சிவப்பு நிற யானை சிலையை நம் வீட்டின் தெற்கு திசையில் வைத்தால் மிகவும் சிறப்பாக இருக்கும்.
சில்வர் நிற யானை சிலை
பல கடைகளிலும் நாம் சில்வர் நிற யானை சிலைகள் வைத்திருப்பதை காண இயலும். அதற்கு காரணம் சில்வர் நிறயானை சிலையை கடைகளில் வைத்திருந்தால் நமக்கு வரும் நஷ்டங்கள் குறைந்து லாபம் அதிகரிக்கும் என்பதால் தான். இதனால் தான் பல வியாபாரிகளும் அவர்களது கடையில் சில்வர் நிற யானை பொம்மைகளை கடையின் வாசலில் வைத்திருப்பார்கள். அதுமட்டுமல்லாமல் இதனை வீட்டில் வைத்தால் நேர்மறை ஆற்றலை அதிகரித்து அதிர்ஷ்டத்தை கொண்டு வரும்.
யானை ஜோடி சிலை
வாஸ்து படி, யானை ஜோடி சிலைகள் படுக்கையறையில் வைப்பதற்கு ஏற்றது, ஏனெனில் அவை தம்பதிகள் தங்கள் வேறுபாடுகளை சமாளிக்க உதவுகின்றன. அதுமட்டுமல்லாமல் உங்கள் வீட்டிற்கும், வாழ்க்கைக்கும் இனிமையான ஆற்றல்களை ஊக்குவிக்கின்றன.
கீழ்நோக்கி இருக்கும் தும்பிக்கை
இந்த தோரணையானது பிரச்சனைகளை தீர்க்கும் வலிமையை காட்டுகிறது மற்றும் நீண்ட ஆயுளை அல்லது நிலைத்தன்மையை சேர்க்கிறது. இது துரதிர்ஷ்டம் என்று அர்த்தமல்ல.
யானை சிலைகளை வைக்கும் போது நினைவில் கொள்ள வேண்டியவைகள்
யானை சிலையை வீட்டு கழிவறை அருகிலோ அல்லது ஜன்னலிலோ வைக்க கூடாது.
யானை சிலையை வைத்தால் வீட்டின் முன் நோக்கி அல்லது வீட்டின் உட்புறம் நோக்கியோ தான் வைக்க வேண்டும். வீட்டின் உட்புறம் நோக்கி நாம் வைக்கும் பொழுது வீட்டில் மகிழ்ச்சியும், ஒற்றுமையும் அதிகரிக்கும். அதுவே வீட்டின் வெளிப்புறம் நோக்கி வைக்கும் பொழுது நமக்கு இருக்கும் பிரச்சனைகள் தீரும்.
திருமணமான தம்பதிகள் அவர்கள் வீட்டில் யானை சிலையை வாங்கி வைக்கும் பொழுது, அவர்களிடையே இருக்கும் மன கசப்புகள் எல்லாம் நீங்கி ஒற்றுமை அதிகரிக்கும்.
குழந்தைகள் இருக்கும் வீடு என்றால் அவர்களுக்கு ஏற்ப அல்லது அவர்களுக்கு பிடித்தமான யானை பொம்மையை வாங்கி வீட்டினுள் வைத்தால் அவர்கள் மிகவும் சந்தோஷமாக இருப்பார்கள்.
யானை சிலையை வீட்டு பீரோவிலோ அல்லது பணம் புழங்கும் இடத்திலோ வைத்தால் பணவரவு அதிகரிக்கும். அது மட்டுமல்லாமல் கடன் வாங்கும் வாய்ப்பும் குறையும்.
வேலை பார்க்கும் இடத்திலோ அல்லது கடைகளிலோ நாம் யானை சிலையை வைக்கும் பொழுது செழிப்பு மற்றும் மகிழ்ச்சியை அதிகரிக்கும்.
