ஜோதிடத்தில் கிரகங்களின் இயக்கம் மிகவும் முக்கியத்துவம் வாய்ந்தது. கிரகங்கள் குறிப்பிட்ட கால இடைவெளியில் தங்கள் ராசியை மாற்றுகின்றன. அந்த வரிசையில் ஜோதிடத்தில், சூரியன் கிரகங்களின் ராஜாவாகக் கருதப்படுகிறார். கிரகங்களின் அரசனான சூரியன் ஆற்றல், தைரியம், வீரம், தலைமைத்துவம், புகழ் மற்றும் தந்தையர் பதவியின் காரணியாகக் கருதப்படுகிறார். இவர் ஒவ்வொரு மாதமும் ஒரு குறிப்பிட்ட காலத்தில் ஒரு ராசியிலிருந்து மற்றொரு ராசிக்குப் பிரவேசிக்கிறார். அந்த வகையில் டிசம்பர் 3, 2025 அன்று கேட்டை நட்சத்திரத்திலும், டிசம்பர் 16, 2025 அன்று தனுசு ராசியிலும் நுழைவார். கேட்டை நட்சத்திரத்தின் அதிபதியான புதன், சூரியனின் நட்பு கிரகம், எனவே இந்த மாற்றம் சில ராசிக்காரர்களுக்கு நல்லதாக இருக்கும். யார் அந்த ராசிக்காரர்கள் என்று இந்த ஆன்மீகப் பதிவில் பார்ப்போம்.
மேஷம்
இந்த நேரம் மேஷ ராசிக்கு மாற்றங்களைக் கொண்டுவரும். தொழில் மற்றும் வணிகத்தில் தெளிவாக பிரதிபலிக்கும். உங்களுக்கு முழு ஆதரவு கிடைக்கும், பதவி உயர்வு மற்றும் புதிய பொறுப்புகள் கிடைக்கக்கூடும். கடினமாக உழைத்து வருபவர்களுக்கு அதற்கு ஏற்ற பலன்கள் கிடைக்கும். நண்பர்கள் உங்களின் முயற்சிகளுக்கு உதவியாக இருப்பார்கள். புதிய முதலீடுகளுக்கான சிந்தனைகள் உதயமாகும். தொழிலை விரிவுபடுத்தக் கூடிய வாய்ப்புகள் கிடைக்கும். வீட்டில் சுப செலவுகள் நடக்கும். சேமிப்புக்கான வாய்ப்புகள் அதிகமாக இருக்கும்.
கடகம்
கடக ராசிக்காரர்களுக்கு இது மகிழ்ச்சியான நேரம். வீடு முதல் பணியிடம் வரை எல்லா இடங்களிலும் ஆதரவு கிடைக்கும். குறுகிய அல்லது நீண்ட தூர பயணம் சாத்தியமாகும். பதவி உயர்வு, சம்பள உயர்வு கிடைப்பதற்கான வாய்ப்புகள் உருவாகும். தகவல் தொடர்பு துறைகளில் பணிபுரிபவர்களுக்கு பதவி உயர்வு கிடைக்கலாம். அரசு சார்ந்த உதவிகளுக்கு விண்ணப்பித்து இருப்பவர்களுக்கு நற்செய்திகள் கிடைக்கும். நிதி நிலைமையில் நல்ல முன்னேற்றம் காணப்படும். சேமிப்புக்கான வாய்ப்புகள் அதிகமாக இருக்கும். குழந்தைகளின் மகிழ்ச்சியை நீங்கள் அனுபவிப்பீர்கள்.
சிம்மம்
இந்த நேரத்தில் சிம்ம ராசிக்காரர்களுக்கு நல்ல அதிர்ஷ்டம் கிடைக்கும். தன்னம்பிக்கை மற்றும் தைரியம் அதிகரிக்கும். நேர்மறையான எண்ணங்கள் அதிகரிக்கும், சமூக அந்தஸ்து வளரும். அரசாங்க வேலைகளில் இருப்பவர்களுக்கு விரும்பிய இடமாற்றம் கிடைக்க வாய்ப்புள்ளது. சமூகத்தில் மதிப்பு, மரியாதை, அந்தஸ்து அதிகரிக்கும். நீங்கள் தொடங்கும் எந்த ஒரு முயற்சிகளுக்கும் வெற்றி கிடைக்கும். அரசு சார்ந்த பணிகளில் இருப்பவர்களுக்கு நல்ல முன்னேற்றம் கிடைக்கும். புதிய முயற்சிகள் வெற்றியடைய வாய்ப்புகள் கிடைக்கும்.
இதனையும் படியுங்கள் : துலாம் ராசிக்கு பெயர்ச்சியாகும் சுக்கிர பகவானால் இந்த ராசிகளுக்கு பொற்காலம் தான்!!
