ஆப்கானிஸ்தான் ஸ்டைலில் முட்டை கறி எளிமையான முறையில் வீட்டிலேயே இப்படி ஒரு முறை செய்து பாருங்கள்!!

Ingredients

• 6 முட்டை
• 1/2 டீஸ்பூன் மஞ்சள் தூள்
• 1 டீஸ்பூன் மல்லி தூள்
• 1 டீஸ்பூன் கரம் மசாலா தூள்
• 1 டீஸ்பூன் மிளகு தூள்
• 1 டீஸ்பூன் மிளகாய்த்தூள்
• 1 பட்டை, கிராம்பு
• 1 அன்னாசி பூ
• 1/2 டீஸ்பூன் சீரகம்
• 1/2 டீஸ்பூன் சோம்பு
• 3 டேபிள் ஸ்பூன் ஃப்ரெஷ் கிரீம்
• எண்ணெய் (தேவையான அளவு)
• 10 முந்திரி
• 8 பல் பூண்டு
• 3 துண்டு இஞ்சி
• 5 பச்சை மிளகாய்
• 2 பெரிய வெங்காயம்
• கொத்தமல்லி (சிறிதளவு)
• 1 கப் தயிர்

Method

1. முதலில் ஒரு கடாயை அடுப்பில் வைத்து எண்ணெய் ஊற்றி காய்ந்ததும் அரைக்க கொடுத்துள்ள பொருட்களை சேர்த்து நன்கு வதக்கவும். பின் இதனை ஒரு மிக்ஸி ஜாருக்கு மாற்றி அதனுடன் தயிர் சேர்த்து நன்கு அரைத்து எடுத்துக் கொள்ளவும்.

2. பின் முட்டையை வேக வைத்து எடுக்கவும். அதன்பிறகு ஒரு கடாயை அடுப்பில் வைத்து எண்ணெய் ஊற்றி காய்ந்ததும் மஞ்சள் தூள், கரம் மசாலா தூள், மிளகு தூள், மிளகாய் தூள், மல்லி தூள் சேர்த்து அதனுடன் வேகவைத்த முட்டையை சேர்த்து வறுத்து எடுத்துக் கொள்ளவும்.

3. ஒரு கடாயை அடுப்பில் வைத்து எண்ணெய் ஊற்றி காய்ந்ததும் பட்டை, கிராம்பு, அன்னாசி பூ, சோம்பு, மிளகு சேர்த்து அதனுடன் நாம் அரைத்து வைத்துள்ள மசாலாவை சேர்த்து நன்கு வதக்கவும்.

4. பின் அதனுடன் உப்பு, கரம் மசாலா தூள், சீரகத்தூள், மிளகாய் தூள் சேர்த்து நன்கு கலந்து வறுத்து வைத்துள்ள முட்டையை சேர்த்து சிறிதளவு தண்ணீர் விட்டு மூடி வைத்து வேக விடவும்.

5. பின் ஃப்ரெஷ் கிரீம் சேர்த்து நன்கு கலந்து இரண்டு நிமிடங்கள் கழித்து இறக்கவும். அவ்வளவுதான் சுவையான ஆப்கானி முட்டை கறி தயார்.